'ചിത്രീകരണം ജൂണോടെ പൂര്‍ത്തിയാകും..'!; ദളപതി വിജയ് നായകനാകുന്ന ജനനായകന്റെ വമ്പൻ അപ്ഡേറ്റ് പുറത്ത്; കടുത്ത ആകാംക്ഷയിൽ ആരാധകർ!
അടുത്ത് ദളപതി വിജയ് പ്രധാന വേഷത്തിലെത്തുന്ന ചിത്രമാണ് ജനനായകൻ. ചിത്രം എച്ച് വിനോദാണ് സംവിധാനം ചെയ്യുന്നത്. അനിരുദ്ധ് ആണ് ചിത്രത്തിന്റെ സംഗീത സംവിധാനം നിർവഹിക്കുന്നത്. ചിത്രത്തിലെ പ്രധാന റോളുകളിൽ ബോബി ഡിയോൾ, പൂജാഹെഡ്ഗെ, പ്രകാശ് രാജ്, ഗൗതം വാസുദേവ് മേനോൻ, നരേൻ, പ്രിയാമണി, മമിതാ തുടങ്ങി വമ്പൻ താരനിരയാണ് ചിത്രത്തിൽ ഉള്ളത്. കലാ മൂല്യമുള്ളതും നിലവാരമുള്ളതുമായ സിനിമകൾ നിർമിച്ച വെങ്കട്ട് കെ നാരായണ ആണ് കെ വി എൻ പ്രൊഡക്ഷന്റെ പേരിൽ ജനനായകൻ നിർമിക്കുന്നത്.
ഇപ്പോഴിതാ, മറ്റൊരു വമ്പൻ അപ്ഡേറ്റ് പുറത്തുവന്നിരിക്കുകയാണ്. ദളപതി വിജയ്‌യുടെ പ്രിയപ്പെട്ട മൂന്ന് സംവിധായകരായ ബോയ്സെന്ന് വിശേഷിപ്പിക്കപ്പെടുന്ന ലോകേഷ് കനകരാജ്, അറ്റ്‍ലി, നെല്‍സണ്‍ എന്നിവര്‍ ജനനനായകനിലെ ഒരു ഗാന രംഗത്ത് ഉണ്ടാകും എന്നാണ് മറ്റൊരു അപ്ഡേറ്റ് സൂചിപ്പിക്കുന്നത്. ജൂണോടെ ജനനായകന്റെ ചിത്രീകരണം പൂര്‍ത്തിയാകുമെന്നാണ് സൂചനകൾ ലഭിക്കുന്നത്. ദളപതി വിജയ്‌യുടെ ഭാഗം പൂര്‍ത്തിയായെന്നും സൂചനകൾ ഉണ്ട്.