'ലൗ ആൻഡ് റിവഞ്ച് അതാണ് തീം..'; 'സിനിമയ്ക്കുളളിൽ സിനിമ'യുമായി 'ഒരു റൊണാൾഡോ ചിത്രം'; ട്രെയിലർ പുറത്ത്

കൊച്ചി: സിനിമയ്ക്കുള്ളിലെ സിനിമയുടെ കഥ പറയുന്ന ‘ഒരു റൊണാൾഡോ ചിത്ര’ത്തിന്റെ ട്രയിലർ പുറത്തിറങ്ങി. റിനോയ് കല്ലൂർ രചനയും സംവിധാനവും നിർവഹിക്കുന്ന ചിത്രത്തിൽ അശ്വിൻ ജോസാണ് പ്രധാന കഥാപാത്രത്തെ അവതരിപ്പിക്കുന്നത്. റൊണാൾഡോ എന്ന കഥാപാത്രത്തെയാണ് അശ്വിൻ ജോസ് അവതരിപ്പിക്കുന്നത്. ഫുൾഫിൽ സിനിമാസാണ് ചിത്രത്തിന്റെ നിർമാണം.

സിനിമ മോഹവുമായി നടക്കുന്ന റൊണാൾഡോ എന്ന ചെറുപ്പക്കാരന്റെ കഥയാണ് ചിത്രം പറയുന്നത്. ജീവിതത്തിൽ ഒരു സിനിമ സംവിധാനം ചെയ്യണമെന്ന ആഗ്രഹം പേറി നടക്കുന്ന റൊണാൾഡോയുടെ ജീവിതവും പ്രണയവും സിനിമയുടെ ഇതിവൃത്തമാകുന്നു. അശ്വിൻ ജോസ്, ചൈതനൃ പ്രകാശ്, ഹന്ന റെജി കോശി, മിഥുൻ എം ദാസ്, ഇന്ദ്രൻസ്, ലാൽ, അൽതാഫ് സലീം, സുനിൽ സുഗത, മേഘനാദൻ തുടങ്ങിയവരാണ് പ്രധാന വേഷത്തിലെത്തുന്നത്. പി എം ഉണ്ണികൃഷ്‍ണൻ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിംഗ് സാഗർ ദാസാണ്. സംഗീതം ദീപക് രവി.

ഗാന രചന ജോപോൾ, അരുൺ കുമാർ എസ്, റിനോയ് കല്ലൂർ എക്സിക്യൂട്ടീവ് പ്രൊഡ്യൂസർ ഷാജി എബ്രഹാം, ലൈൻ പ്രൊഡ്യൂസർ രതീഷ് പുരക്കൽ, ചീഫ് അസോസിയേറ്റ് ഡയറക്ടർ ബൈജു ബാല, അസോസിയേറ്റ് എഡിറ്റർ ശ്യാം കെ പ്രസാദ്, അസോസിയേറ്റ് ഡയറക്ടർ ജിനു ജേക്കബ്, സൗണ്ട് ഡിസൈൻ & ഫൈനൽ മിക്സ് - അംജു പുളിക്കൻ, കലാ സംവിധാനം സതീഷ് നെല്ലായ, പ്രൊഡക്ഷൻ കൺട്രോളർ പ്രേമൻ പെരുമ്പാവൂർ, ഫിനാൻസ് മാനേജർ സുജിത് പി ജോയ്, വസ്ത്രലങ്കാരം ആദിത്യ നാണു, മേക്കപ്പ് മനോജ്‌ അങ്കമാലി, പ്രൊഡക്ഷൻ എക്സിക്യൂട്ടീവ് അനിൽ അൻസാദ്, കളറിസ്റ്റ് രമേഷ് അയ്യർ, സ്റ്റിൽസ് ടോംസ് ജി ഒറ്റപ്ലാവൻ, ഡിസൈൻ റിവർ സൈഡ് ഹൗസ്, പബ്ലിസിറ്റി & പ്രൊമോഷൻസ്‌ ബ്ലാക്ക് ഹാറ്റ് മീഡിയ പ്രൊമോഷൻസ് എന്നിവരാണ് മറ്റ് പ്രവർത്തകർ.