മുണ്ടു മടക്കിക്കുത്തി മാസ് ലുക്കിൽ ടോവിനോ; ഡിജോ ജോസ് ആന്റണി ഒരുക്കുന്ന ബിഗ് ബഡ്ജറ്റ് ചിത്രം; 'പള്ളിച്ചട്ടമ്പി' ഏപ്രിൽ 9ണ് തിയറ്ററുകളിൽ; മോഷൻ പോസ്റ്റർ പുറത്ത്
കൊച്ചി: ടൊവിനോ തോമസ്, കയാദു ലോഹർ എന്നിവർ പ്രധാന വേഷങ്ങളിലെത്തുന്ന 'പള്ളിച്ചട്ടമ്പി' ഏപ്രിൽ 9-ന് തിയേറ്ററുകളിലെത്തും. ഡിജോ ജോസ് ആന്റണി സംവിധാനം ചെയ്യുന്ന ഈ ചിത്രം ഒരു ബിഗ് ബജറ്റ് നിർമിതിയാണ്. 1950-60 കാലഘട്ടത്തിൽ കേരളത്തിലെ ഒരു മലയോര ഗ്രാമത്തിൽ അരങ്ങേറുന്ന സംഭവങ്ങളാണ് 'പള്ളിച്ചട്ടമ്പി'യുടെ ഇതിവൃത്തം. ടി.എസ്. സുരേഷ് ബാബുവാണ് ചിത്രത്തിന് തിരക്കഥ ഒരുക്കിയിരിക്കുന്നത്.
വേൾഡ് വൈഡ് ഫിലിംസിന്റെ ബാനറിൽ നൗഫലും ബ്രിജീഷും ചേർന്നാണ് 'പള്ളിച്ചട്ടമ്പി' നിർമിക്കുന്നത്. സി ക്യൂബ് ബ്രോ എന്റർടെയിൻമെന്റ്സിന്റെ ബാനറിൽ ചരൺ, ചാണുക്യ, ചൈതന്യ എന്നിവരും തൻസീറും സഹനിർമാതാക്കളാണ്. ടൊവിനോ, കയാദു എന്നിവരെ കൂടാതെ വിജയരാഘവൻ, സുധീർ കരമന, ബാബുരാജ്, വിനോദ് കേദാമംഗലം, പ്രശാന്ത് അലക്സ് ഉൾപ്പെടെ വലിയൊരു താരനിരയും ചിത്രത്തിന്റെ ഭാഗമാകുന്നുണ്ട്.
ജെയ്സ് ബിജോയ് സംഗീതവും ടിജോ ടോമി ഛായാഗ്രഹണവും നിർവഹിക്കുന്നു. ദിലീപ് നാഥ് കലാസംവിധാനവും മഞ്ജുഷ രാധാകൃഷ്ണൻ വസ്ത്രാലങ്കാരവും റഷീദ് അഹമ്മദ് ചമയവും കൈകാര്യം ചെയ്യുന്നു. അലക്സ് ഇ കുര്യൻ ലൈൻ പ്രൊഡ്യൂസറായും അനിൽ അമ്പല്ലൂർ ഫിനാൻസ് കൺട്രോളറായും രാജേഷ് മേനോൻ പ്രൊഡക്ഷൻ കൺട്രോളറായും പ്രവർത്തിക്കുന്നു. റിഷ്ലാൽ ഉണ്ണികൃഷ്ണനാണ് സ്റ്റിൽസ്. വിഎസ് അഖിൽ വിഷ്ണു ഡിജിറ്റൽ മാർക്കറ്റിംഗും അക്ഷയ് പ്രകാശ് പിആർഒയും നിർവഹിക്കുന്നു.