തിരിച്ചുവരവിനൊരുങ്ങി സൂര്യ; 'റെട്രോ' യുടെ റിലീസ് തീയതി പ്രഖ്യാപിച്ചു; കാര്‍ത്തിക് സുബ്ബരാജ് ചിത്രം ആഘോഷമാക്കാൻ ആരാധകർ
ചെന്നൈ: കങ്കുവയിലൂടെയേറ്റ അപ്രതീക്ഷ പരാജയത്തിന് ശേഷം വലിയൊരു തിരിച്ചു വരവിനൊരുങ്ങുകയാണ് സൂര്യ. പ്രഖ്യാപനം എത്തിയത് മുതൽ ആരാധകർ വലിയ പ്രതീക്ഷയോടെ കാത്തിരിക്കുന്ന ചിത്രമാണ് 'റെട്രോ'. ചിത്രത്തിന്റേതായി പുറത്തിറങ്ങിയ ടൈറ്റിൽ ടീസർ വലിയ ശ്രദ്ധ നേടിയിരുന്നു. കാര്‍ത്തിക് സുബ്ബരാജ് രചനയും സംവിധാനവും നിര്‍വ്വഹിക്കുന്ന ചിത്രം തീയേറ്ററുകളിൽ വൻ വിജയമാകുമെന്ന പ്രതീക്ഷയിലാണ് ആരാധകർ.
ചിത്രത്തിന്റെ പുതിയ അപ്ഡേറ്റുകളാണ് ഇപ്പോൾ പുറത്ത് വരുന്നത്. ചിത്രത്തിന്റെ റിലീസ് തീയതി പ്രഖ്യാപിച്ചു. മെയ് 1 ന് ചിത്രം തിയറ്ററുകളില്‍ എത്തും. ലവ്, ലോട്ടർ, വാർ എന്ന ടാഗ് ലൈനിൽ എത്തുന്ന ചിത്രത്തിന്റെ ടൈറ്റിൽ ടീസറിൽ പ്രണയവും ആക്ഷനും ചേർന്ന രംഗങ്ങളാണ് ഉൾക്കൊള്ളിച്ചിരിക്കുന്നത്. ചിത്രത്തിൽ പൂജാ ഹെഗ്‌ഡെ ആണ് നായിക. ജോജു ജോർജ്, ജയറാം, കരുണാകരൻ തുടങ്ങി വമ്പൻ താരനിരയാണ് ചിത്രത്തിലുള്ളത്. സന്തോഷ് നാരായണനാണ് 'റെട്രോ' യുടെ സംഗീത സംവിധാനം നിർവഹിക്കുന്നത്.
സൂര്യയുടെ 2D എന്റർടൈൻമെന്റ്സും കാർത്തിക്ക് സുബ്ബരാജിന്റെ സ്റ്റോൺ ബെഞ്ച് ഫിലിംസും ചേർന്നാണ് ചിത്രം നിർമ്മിക്കുന്നത്. ജ്യോതികയും സൂര്യയും ചേർന്ന് നിർമ്മിക്കുന്ന ചിത്രത്തിന്റെ കോ പ്രൊഡ്യൂസേർസ് രാജ് ശേഖർ കർപ്പൂരസുന്ദരപാണ്ട്യനും കാർത്തികേയൻ സന്താനവുമാണ്. ശ്രേയാസ് കൃഷ്ണ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിംഗ് മുഹമ്മദ് ഷഫീഖ് അലിയാണ്.
കലാസംവിധാനം ജാക്കി, വസ്ത്രാലങ്കാരം പ്രവീൺ രാജ, സ്റ്റണ്ട് കേച്ച കംഫക്ദീ, മേക്കപ്പ് വിനോദ് സുകുമാരൻ, സൗണ്ട് ഡിസൈൻ സുരൻ.ജി, അളഗിയക്കൂത്തൻ, കൊറിയോഗ്രാഫി ഷെരീഫ്.എം ,പബ്ലിസിറ്റി ഡിസൈൻ ട്യൂണി ജോൺ, പി ആർ ഓ ആൻഡ് മാർക്കറ്റിംഗ് കൺസൽട്ടന്റ് പ്രതീഷ് ശേഖർ എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.