ഒരു കാർത്തിക് സുബ്ബരാജ് സംഭവം; സൂര്യ ചിത്രത്തിന്റെ കിടിലം ടൈറ്റിൽ ടീസർ പുറത്ത്; ഗംഭീര പ്രകടനവുമായി ജോജു ജോർജും; പ്രതീക്ഷ നൽകി 'റെട്രോ'

ചെന്നൈ: വമ്പൻ ഹൈപ്പോടെയെത്തി ബോക്സ് ഓഫീസിൽ തകർന്ന് വീണ ചിത്രമായിരുന്നു സൂര്യ നായകനായ കങ്കുവ. അപ്രതീക്ഷ പരാജയം ഏറ്റുവാങ്ങിയ ചിത്രം മുടക്ക് മുതലിന്റെ പകുതി പോലും നേടാതെയാണ് തീയേറ്ററുകൾ വിട്ടത്. എന്നാൽ വരാനിരിക്കുന്ന പ്രോജക്റ്റുകളിലൂടെ ഞെട്ടിക്കാന ഒരുങ്ങുകയാണ് തമിഴ് സൂപ്പർ താരം സൂര്യ. പ്രഖ്യാപനം എത്തിയത് മുതൽ ആരാധകർ വലിയ പ്രതീക്ഷയോടെ കാത്തിരിക്കുന്ന ചിത്രമാണ് സൂര്യ 44.

ചിത്രത്തിന്റെ പുതിയ അപ്ഡേറ്റുകളാണ് ഇപ്പോൾ പുറത്ത് വരുന്നത്. കാർത്തിക്ക് സുബ്ബരാജ് ഒരുക്കുന്ന ചിത്രത്തിന്റെ ടൈറ്റിൽ ടീസർ പുറത്ത് വിട്ടിരിക്കുകയാണ്. റെട്രോ എന്നാണ് ചിത്രത്തിന്റെ ടൈറ്റിൽ. ക്രിസ്മസ് ദിനത്തിൽ സിനിമാ പ്രേക്ഷകർക്കും ആരാധകർക്കും ഒരു കിടിലൻ വിരുന്ന് തന്നെയാണ് റെട്രോ ടൈറ്റിൽ ടീസറിലൂടെ നൽകിയിരിക്കുന്നത്.

ലവ്, ലോട്ടർ, വാർ എന്ന ടാഗ് ലൈനിൽ എത്തുന്ന ചിത്രത്തിന്റെ ടൈറ്റിൽ ടീസറിൽ പ്രണയവും ആക്ഷനും ചേർന്ന രംഗങ്ങളാണ് ഉൾക്കൊള്ളിച്ചിരിക്കുന്നത്. ചിത്രത്തിൽ പൂജാ ഹെഗ്‌ഡെ ആണ് നായിക. ജോജു ജോർജ്, ജയറാം, കരുണാകരൻ തുടങ്ങി വമ്പൻ താരനിരയാണ് ചിത്രത്തിലുള്ളത്. സന്തോഷ് നാരായണനാണ് 'റെട്രോ' യുടെ സംഗീത സംവിധാനം നിർവഹിക്കുന്നത്.

സൂര്യയുടെ 2D എന്റർടൈൻമെന്റ്സും കാർത്തിക്ക് സുബ്ബരാജിന്റെ സ്റ്റോൺ ബെഞ്ച് ഫിലിംസും ചേർന്നാണ് ചിത്രം നിർമ്മിക്കുന്നത്. ജ്യോതികയും സൂര്യയും ചേർന്ന് നിർമ്മിക്കുന്ന ചിത്രത്തിന്റെ കോ പ്രൊഡ്യൂസേർസ് രാജ് ശേഖർ കർപ്പൂരസുന്ദരപാണ്ട്യനും കാർത്തികേയൻ സന്താനവുമാണ്. ശ്രേയാസ് കൃഷ്ണ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിംഗ് മുഹമ്മദ് ഷഫീഖ് അലിയാണ്.

കലാസംവിധാനം ജാക്കി, വസ്ത്രാലങ്കാരം പ്രവീൺ രാജ, സ്റ്റണ്ട് കേച്ച കംഫക്ദീ, മേക്കപ്പ് വിനോദ് സുകുമാരൻ, സൗണ്ട് ഡിസൈൻ സുരൻ.ജി, അളഗിയക്കൂത്തൻ, കൊറിയോഗ്രാഫി ഷെരീഫ്.എം ,പബ്ലിസിറ്റി ഡിസൈൻ ട്യൂണി ജോൺ, പി ആർ ഓ ആൻഡ് മാർക്കറ്റിംഗ് കൺസൽട്ടന്റ് പ്രതീഷ് ശേഖർ എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.