സണ്ണി വെയ്ൻ, സൈജു കുറുപ്പ് പ്രധാന വേഷങ്ങളിൽ; ഫെബി ജോർജിന്റെ 'റിട്ടൺ ആൻഡ് ഡിറക്റ്റഡ് ബൈ ഗോഡ്' റിലീസിനൊരുങ്ങുന്നു; ശ്രദ്ധ നേടി ചിത്രത്തിൻറെ രസകരമായ ടീസർ
കൊച്ചി: സണ്ണി വെയ്ൻ, സൈജു കുറുപ്പ്, അപർണ ദാസ് എന്നിവർ പ്രധാന കഥാപാത്രങ്ങളാക്കി നവാഗതനായ ഫെബി ജോർജ് സംവിധാനം ചെയ്യുന്ന ചിത്രമാണ് 'റിട്ടൺ ആൻഡ് ഡിറക്റ്റഡ് ബൈ ഗോഡ്'. ടി ജെ പ്രൊഡക്ഷൻസ്, നെട്ടൂരാൻ ഫിലിംസ് എന്നീ ബാനറുകളില്‍ തോമസ് ജോസ്, സനൂബ് കെ യൂസഫ് എന്നിവർ ചേർന്ന് നിർമിക്കുന്ന ചിത്രത്തിന്റെ ഒഫിഷ്യൽ ടീസർ റിലീസായി. സൈജു കുറുപ്പ് ആണ് ചിത്രം അവതരിപ്പിക്കുന്നത്. മെയ് പതിനാറിന് ഗുഡ് വിൽ എന്റർടൈൻമെന്റ്സാണ് ചിത്രം പ്രദർശനത്തിനെത്തിക്കുന്നത്.
ചിത്രത്തിൽ അഭിഷേക് രവീന്ദ്രൻ, വൈശാഖ് വിജയൻ, ശ്രീലക്ഷ്മി സന്തോഷ്‌, ചെമ്പിൽ അശോകൻ, നീന കുറുപ്പ്, മണികണ്ഠൻ പട്ടാമ്പി, ജോളി ചിറയത്ത്, ബാബു ജോസ്, ഓസ്റ്റിൻ ഡാൻ, ദിനേശ് പ്രഭാകർ, ബാലാജി ശർമ്മ എന്നിവരടങ്ങുന്ന വലിയൊരു താര നിര തന്നെയുണ്ട്. ജോമോൻ ജോൺ, ലിന്റോ ദേവസ്യ, റോഷൻ മാത്യു എന്നിവർ ചേർന്നാണ് തിരക്കഥ, സംഭാഷണം ഒരുക്കിയിരിക്കയുന്നത്.
ഇക്ബാൽ കുറ്റിപ്പുറം, ബി കെ ഹരിനാരായണൻ, മനു മഞ്ജിത്, ഹരിത ഹരി ബാബു എന്നിവരുടെ വരികൾക്ക് ഷാൻ റഹ്മാൻ സംഗീതം പകരുന്നു. എക്സിക്യൂട്ടീവ് പ്രൊഡ്യൂസർ സിബി ജോർജ്, പ്രൊഡക്ഷൻ കൺട്രോളർ ജാവേദ് ചെമ്പ്, വസ്ത്രാലങ്കാരം സമീറ സനീഷ്, കലാസംവിധാനം ജിതിൻ ബാബു, മേക്കപ്പ് മനോജ് കിരൺ രാജ്, സ്റ്റിൽസ് റിഷ്ലാൽ ഉണ്ണികൃഷ്ണൻ, ഡിസൈൻ യെല്ലോ ടൂത്ത്സ്, പി ആർ ഒ- എ എസ് ദിനേശ്.