'ലെറ്റ് ഹിം കുക്ക്..'; വീണ്ടും തിയറ്ററുകൾ പൂരപ്പറമ്പാക്കാൻ ഒരുങ്ങി ലോക്കി; ബിഗ് സ്‌ക്രീനിൽ താണ്ഡവം ആടാൻ ഒരുങ്ങി തലൈവർ; റിലീസിന് മുന്നേ നേടിയത് കോടികൾ; ആകാംക്ഷയിൽ ആരാധകർ!
തമിഴിലെ സൂപ്പർ സംവിധായകൻ ലോകേഷ് കനകരാജിന്റെ ഓരോ സിനിമയും ആരാധകർ വലിയ ആവേശത്തോടെയാണ് കാത്തിരിക്കുന്നത്. ചിത്രത്തിന്റെ പ്രോമോയും ടീസറും ട്രെയ്‌ലറുമെല്ലാം ഇറക്കുന്നത് ആരാധകരെ വലിയ ആവേശത്തിൽ ആക്കുന്നു. ഇപ്പോഴിതാ, തമിഴകത്തിന്റെ രജനികാന്ത് നായകനായി വരാനിരിക്കുന്ന ചിത്രമാണ് കൂലി.
കൂലിയുടെ തെലുങ്ക് ഡബ്ബ് പതിപ്പിന്റെ തിയറ്റര്‍ റൈറ്റ്‍സ് വൻ തുകയ്ക്ക് വിറ്റുപോയിരിക്കുകയാണെന്നാണ് റിപ്പോര്‍ട്ട്. ഏകദേശം 42 കോടിക്കാണ് ചിത്രത്തിന്റെ തിയറ്റര്‍ റൈറ്റ്‍സ് വിറ്റ് പോയതെന്നാണ് റിപ്പോർട്ടുകൾ.
ഓഗസ്റ്റ് 14ന് ആയിരിക്കും റിലീസെന്നാണ് വാര്‍ത്തകള്‍ സൂചിപ്പിക്കുന്നത്. ഔദ്യോഗിക പ്രഖ്യാപനത്തിനായി കാത്തിരിക്കുകയാണ് ആരാധകര്‍. സ്റ്റൈല്‍ മന്നൻ രജനികാന്തിന്റേതായി ഒടുവില്‍ വന്നത് വേട്ടയ്യനായിരുന്നു. സംവിധായകൻ ടി ജെ ജ്ഞാനവേലായിരുന്നു.
ലോകേഷിന്റെ ഒടുവിലെത്തിയ ചിത്രമായ ദളപതി വിജയ് നായകനായി വേഷമിട്ട ലിയോയാണ്. സംവിധായകൻ ലോകേഷ് കനകരാജിന്റെ ഒരു ചിത്രത്തില്‍ വിജയ് നായകനായപ്പോള്‍ പ്രതീക്ഷിച്ചതിനും അപ്പുറമുള്ള ഒരു വിജയമാണ് നേടാനായതെന്നുമാണ് റിപ്പോർട്ടുകൾ.