തീയേറ്ററുകളിൽ വൻ പരാജയം; ഒടിടി യിൽ എത്തിയതോടെ മികച്ച അഭിപ്രായം; ശ്രദ്ധ നേടി ക്രൈം ത്രില്ലർ ചിത്രം 'ദ ബക്കിംഗ്ഹാം മര്‍ഡേഴ്സ്'
തീയേറ്ററുകളിൽ വിജയം നേടാൻ കഴിഞ്ഞില്ലെങ്കിലും പിന്നീട് വലിയ ചർച്ചയാകുന്നു നിരവധി ചിത്രങ്ങളെ പറ്റി നമ്മൾക്കറിയാം. അത്തരത്തിൽ ഇപ്പോൾ ഒരു ചിത്രം സോഷ്യൽ മീഡിയയിലൂടെ കൈയ്യടി നേടുകയാണ്. ചിത്രത്തിനും, നായികയുടെ പ്രകടനത്തിനും വലിയ കൈയ്യടിയാണ് ലഭിക്കുന്നത്. കരീന കപൂര്‍ നായികയായി 2023 ൽ പുറത്തിറങ്ങിയ 'ദ ബക്കിംഗ്ഹാം മര്‍ഡേഴ്സ് 'ചിത്രമാണ് തീയേറ്ററുകളിൽ പരാജയമായ ശേഷം ഒടിടി റിലീസോടെ ചർച്ചയാകുന്നത്.
ഈ ക്രൈം ത്രില്ലർ ചിത്രത്തിന് 14 കോടി രൂപയേ തീയേറ്ററുകളിൽ നിന്നും നേടാനായുള്ളൂ. കരീന കപൂര്‍ ചിത്രം നെറ്റ്ഫ്ലിക്സിലൂടെ ഒടിടിയില്‍ എത്തിയത്. ഹൻസാല്‍ മേഹ്‍ത സംവിധാനം ചെയ്ത ചിത്രത്തിന്റെ നിർമാണം കരീന കപൂറായിരുന്നു. ഛായാഗ്രാഹണം എമ്മ ഡേല്‍സ്‍മാനാണ്. യഥാര്‍ഥ സംഭവങ്ങളെ ആസ്‍പദമാക്കിയുള്ളതാണ് ദ ബക്കിംഗ്ഹാം മര്‍ഡേഴ്സ്.
അതേസമയം ചിത്രത്തിന്റെ പരാജയത്തോടെ പ്രതികരണവുമായി നടിയെത്തിയിരുന്നു. പുതിയ കാലത്ത് ഒരോ തരത്തിലുള്ള സിനിമകള്‍ക്കും വ്യത്യസ്‍ത പ്രേക്ഷകരാണുള്ളതെന്ന് നടി ചൂണ്ടിക്കാട്ടിയിരുന്നു. ഒരു വാണിജ്യ സിനിമയുടെ പ്രേക്ഷകരായിരിക്കില്ല ദ ബക്കിംഗ്ഹാം മര്‍ഡേഴ്സിന്റേത് എന്നും തുറന്നു പറയുന്നു കരീന കപൂര്‍.
അതേസമയം, 'ക്രൂ' കരീന കപൂര്‍ നായികയാഎത്തിയ അവസാന ചിത്രം. തീയേറ്ററുകളിൽ ചിത്രം ഹിറ്റായിരുന്നു. കൃതി സനോണും തബുവും കരീനയ്ക്കൊപ്പം ചിത്രത്തില്‍ മറ്റ് പ്രധാന വേഷങ്ങളിലെത്തിയത്. സംവിധാനം രാജേഷ് കൃഷ്‍ണന്റെ സംവിധാനത്തിൽ ഒരുങ്ങിയ ചിത്രം ഇന്ത്യയില്‍ നിന്ന് മാത്രം 100 കോടിക്കടുത്താണ് നേടിയത്.