ഉർവശിയും ജോജു ജോർജ്ജും ആദ്യമായി ഒന്നിക്കുന്നു; നവാഗതനായ സഫർ സനൽ ഒരുക്കുന്ന 'ആശ'യ്ക്ക് തുടക്കം; ടൈറ്റിൽ ലുക്ക് പോസ്റ്റർ പുറത്ത്

കൊച്ചി: ഉർവശിയും ജോജു ജോർജ്ജും ആദ്യമായി ഒന്നിക്കുന്ന ചിത്രമായ 'ആശ'യ്ക്ക് തുടക്കം. ചിത്രത്തിന്‍റെ പൂജ, തൃക്കാക്കര വാമന മൂർത്തി ക്ഷേത്രത്തിൽ വെച്ച് നടന്നു. ജോജു ജോര്‍ജ്ജും മധു നീലകണ്ഠനും സംവിധായകൻ സഫർ സനലും ചേർന്ന് ഭദ്രദീപം കൊളുത്തി. ജോജു ജോർജ്ജ് ഫസ്റ്റ് ക്ലാപ്പടിച്ചു. മധു നീലകണ്ഠൻ സ്വിച്ച് ഓൺ നിർവ്വഹിച്ചു. നവാഗതനായ സഫർ സനൽ സംവിധാനം ചെയ്യുന്ന ചിത്രം നിർമിക്കുന്നത് വിനായക അജിത് ആണ്. അഞ്ച് ഭാഷകളിലാണ് ചിത്രം പുറത്തിറങ്ങുന്നത്.

ഉർവശിയേയും ജോജുവിനേയും കൂടാതെ വിജയരാഘവൻ, ഐശ്വര്യ ലക്ഷ്‍മി, പണി ഫെയിം രമേഷ് ഗിരിജ എന്നിവരാണ് മറ്റ് പ്രധാന വേഷങ്ങളിൽ എത്തുന്നത്. സിനിമയുടെ ടൈറ്റിൽ ലുക്ക് പോസ്റ്ററും പൂജ ചടങ്ങിനിടെ അണിയറപ്രവർ‍ത്തകർ പുറത്തിറക്കി. ചിത്രത്തിന്റെ കഥയെഴുതിയിരിക്കുന്നതും സംവിധായകനായ സഫർ സനലാണ്. ജോജു ജോർജ്ജും രമേഷ് ഗിരിജയും സഫ‍ർ സനലും ചേർന്നാണ് തിരക്കഥ, സംഭാഷണം ഒരുക്കുന്നത്. മധു നീലകണ്ഠൻ ഛായാഗ്രഹണം നിവഹിക്കുന്ന ചിത്രത്തിന്റെ എഡിറ്റർ ഷാൻ മുഹമ്മദാണ്. മിഥുൻ മുകുന്ദനാണ് സംഗീതം ഒരുക്കിയിരിക്കുന്നത്.

സൗണ്ട് ഡിസൈൻ ആൻഡ് സിങ്ക് സൗണ്ട് അജയൻ അടാട്ട്, പ്രൊഡക്ഷൻ ഡിസൈനർ വിവേക് കളത്തിൽ, മേക്കപ്പ്: ഷമീർ ഷാം, കോസ്റ്റ്യൂം സുജിത്ത് സി.എസ്, സ്റ്റണ്ട് ദിനേഷ് സുബ്ബരായൻ, പ്രൊഡക്ഷൻ കൺട്രോളർ ഷബീർ മാലവട്ടത്ത്, ചീഫ് അസോസിയേറ്റ് രതീഷ് പിള്ള, അസ്സോസിയേറ്റ്സ് ജിജോ ജോസ്, ഫെബിൻ എം സണ്ണി, സ്റ്റിൽസ് അനൂപ് ചാക്കോ, പിആർഒ ആതിര ദിൽജിത്ത്, ഡിസൈൻസ് യെല്ലോടൂത്ത്‍സ്.