'എന്തിനും അതിന്റേതായ സമയം ഉണ്ടല്ലോ ദാസാ..'; തന്റെ പ്രണയം വെളിപ്പെടുത്തി ലക്ഷ്മി നക്ഷത്ര; വിവാഹത്തെ കുറിച്ചും മനസ്സ് തുറന്ന് താരം
കൊച്ചി: മലയാളികളുടെ പ്രിയപ്പെട്ട അവതാരക ലക്ഷ്മി നക്ഷത്ര തൻ്റെ വ്യക്തിജീവിതത്തെക്കുറിച്ചുള്ള ആരാധകരുടെ ചോദ്യങ്ങൾക്ക് മറുപടിയുമായി രംഗത്ത്. അടുത്തിടെ പങ്കുവെച്ച ഒരു വ്‌ളോഗിലാണ് ലക്ഷ്മി തൻ്റെ വിവാഹം, പ്രണയം എന്നിവയെക്കുറിച്ച് മനസ്സ് തുറന്നത്. "സമയം വരുമ്പോൾ സംഭവിക്കും" എന്നായിരുന്നു വിവാഹത്തെക്കുറിച്ചുള്ള ചോദ്യങ്ങൾക്ക് താരം നൽകിയ മറുപടി.
തൻ്റെ വിശേഷങ്ങൾ ആരാധകരുമായി പങ്കുവെക്കാൻ ലക്ഷ്മി സോഷ്യൽ മീഡിയയും വ്‌ളോഗുകളും ഉപയോഗിക്കാറുണ്ട്. വിവാഹത്തെക്കുറിച്ചുള്ള ചോദ്യങ്ങൾക്ക് "ഷോകൾ വരുന്നത്, വീട് വെക്കുന്നത്, വണ്ടി വാങ്ങുന്നത് പോലെ തന്നെയാണ് വിവാഹവും. അത് സംഭവിക്കുമ്പോൾ സംഭവിക്കും. അതിന് അതിൻ്റേതായ സമയമുണ്ട്" എന്ന് താരം പറഞ്ഞു. നിലവിൽ വിവാഹത്തെക്കുറിച്ച് പ്രത്യേക പ്ലാനുകളൊന്നും ഇല്ലെന്നും, എന്നാൽ ഭാവിയിൽ എന്തു സംഭവിക്കുമെന്ന് പ്രവചിക്കാൻ കഴിയില്ലെന്നും ലക്ഷ്മി കൂട്ടിച്ചേർത്തു.
പ്രണയത്തെക്കുറിച്ച് ചോദിച്ചപ്പോൾ, അതുണ്ടെങ്കിലും ഇല്ലെങ്കിലും ഇപ്പോൾ പ്രതികരിക്കാനില്ലെന്നും അതിൻ്റെ പേരിൽ ശ്രദ്ധ നേടാൻ ആഗ്രഹിക്കുന്നില്ലെന്നും ലക്ഷ്മി വ്യക്തമാക്കി. മാതാപിതാക്കളുടെ ഏക മകളായതിലുള്ള വിഷമവും ലക്ഷ്മി പങ്കുവെച്ചു. ചെറുപ്പത്തിൽ സഹോദരങ്ങൾ ഉണ്ടായാൽ മാതാപിതാക്കളുടെ സ്നേഹം കുറയുമെന്ന് വിശ്വസിച്ചിരുന്നതായും, അന്ന് ഇതിൻ്റെ പേരിൽ പ്രശ്നങ്ങളുണ്ടാക്കിയിരുന്നതായും താരം ഓർത്തെടുത്തു. ഇപ്പോൾ ഒരു കൂടപ്പിറപ്പ് ഇല്ലാത്തതിൻ്റെ വേദന താൻ തിരിച്ചറിയുന്നുണ്ടെന്നും ലക്ഷ്മി പറഞ്ഞു.