'രണ്ട് മക്കളാണ് എന്റെ ഏറ്റവും വലിയ സപ്പോർട്ട്'; എന്ത് നെഗറ്റീവ് പറഞ്ഞാലും നോ പ്രോബ്ലം; ഞാൻ അഭിനയിക്കുന്നത് മക്കൾക്ക് നാണക്കേടാണെന്ന് പറഞ്ഞവരോട് ഇതേ പറയാനുള്ളു; മറുപടിയുമായി രേണു സുധി
കൊല്ലം: അന്തരിച്ച നടൻ കൊല്ലം സുധിയുടെ ഭാര്യയും ബിഗ് ബോസ് മത്സരാർത്ഥിയുമായിരുന്ന രേണു സുധി, താൻ അഭിനയിക്കുന്നത് മക്കൾക്ക് നാണക്കേടാണെന്ന വിമർശനങ്ങൾക്ക് മറുപടിയുമായി രംഗത്ത്. സോഷ്യൽ മീഡിയയിൽ പങ്കുവെച്ച കുറിപ്പിലാണ് രേണു നിലപാട് വ്യക്തമാക്കിയത്. ബിഗ് ബോസ് മലയാളം സീസണിൽ മത്സരാർത്ഥിയായിരുന്ന രേണു, ഷോയിൽ നിന്ന് സ്വയം പിന്മാറിയ ശേഷം നിരവധി വിമർശനങ്ങളും കളിയാക്കലുകളും നേരിട്ടിരുന്നു.
എന്നാൽ, ഷോയ്ക്ക് പുറത്തിറങ്ങിയ ശേഷം ആരോടും മോശമായി സംസാരിക്കുകയോ ദേഷ്യം പ്രകടിപ്പിക്കുകയോ ചെയ്യാത്ത മത്സരാർത്ഥികളിൽ ഒരാളാണ് രേണു എന്ന് സാമൂഹിക മാധ്യമങ്ങളിൽ പലരും അഭിപ്രായപ്പെട്ടിരുന്നു. മക്കൾ തനിക്ക് നൽകുന്ന പിന്തുണയെക്കുറിച്ചും അവരാണ് തന്റെ ഏറ്റവും വലിയ ശക്തിയെന്നും രേണു കൂട്ടിച്ചേർത്തു.
"ഞാൻ അഭിനയിക്കുന്നത് എന്റെ മക്കൾക്ക് നാണക്കേടാണെന്ന് പറഞ്ഞവർക്ക്... ഇതാ എന്റെ രണ്ട് മക്കളോടൊപ്പം ഞാൻ മുന്നോട്ട് പോകുന്നു. അവരാണ് എന്റെ ഏറ്റവും വലിയ പിന്തുണ. ഇന്നലെ രാത്രി ഞങ്ങൾ എടുത്ത സെൽഫിയാണ് ഇത്. കിച്ചു, എന്റെ മൂത്ത മകൻ. എന്റെ ഋതുവിനെക്കാൾ സ്നേഹം അൽപം കൂടുതൽ കിച്ചുവിനോടാണ്. കാരണം, എന്നെ ആദ്യം അമ്മ എന്ന് വിളിച്ചത് അവനാണ്. ഇനി നിങ്ങൾ എന്ത് നെഗറ്റീവ് പറഞ്ഞാലും എനിക്ക് ഒരു പ്രശ്നവുമില്ല," രേണു സുധി ഫേസ്ബുക്കിൽ കുറിച്ചു.
തന്റെ അഭിനയ ജീവിതത്തെ വിമർശിച്ചവർക്കുള്ള മറുപടിയായാണ് രേണു ഈ പോസ്റ്റ് പങ്കുവെച്ചത്. ഫെയ്സ്ബുക്കിലൂടെയാണ് രേണു തന്റെ മറുപടി പങ്കുവെച്ചത്. ഈ പോസ്റ്റ് ഇതിനോടകം തന്നെ സോഷ്യൽ മീഡിയയിൽ ശ്രദ്ധ നേടിക്കഴിഞ്ഞു.