സര്‍ഗോത്സവ് വെള്ളിയാഴ്ച മസ്ജിദുല്‍ കബീറില്‍; മത്സരത്തില്‍ നൂറില്‍ പരം കുരുന്നുകള്‍ മാറ്റുരക്കും
കുവൈത്ത് സിറ്റി : ഇന്ത്യന്‍ ഇസ് ലാഹി സെന്റര്‍ കേന്ദ്ര വിദ്യാഭ്യാസ വകുപ്പിന് കീഴില്‍ സംഘടിപ്പിക്കുന്ന സര്‍ഗോത്സവ് 2025 ജനുവരി 31 വെള്ളിയാഴ്ച കാലത്ത് 8 മണി മുതല്‍ മസ്ജിദുല്‍ കബീറില്‍ നടക്കും. വിവിധ മദ്രസ്സകളില്‍ നിന്നായി നൂറില്‍ പരം കുരുന്നുകള്‍ മത്സരത്തില്‍ മാറ്റുരക്കും.
ബാങ്ക് വിളി, ദിക്ര്‍ മെമ്മോറിസേഷന്‍, ഹിഫ്‌ള്, മെമ്മറി ടെസ്റ്റ്, പോസ്റ്റര്‍ മേക്കിംഗ്, ക്വിസ്സ്, തജ് വീദ്, മലയാളം റീഡിംഗ്, പെന്‍സില്‍ ഡ്രോയിംഗ്, കളറിംഗ്, പ്രബന്ധ രചന, ഫോട്ടോഗ്രാഫി, ഡിക്ടേഷന്‍, ഗാനം (മലയാളം, ഇംഗ്ലീഷ്, അറബി), പ്രസംഗം (മലയാളം, ഇംഗ്ലീഷ്, അറബി), സ്റ്റോറി ടെല്ലിംഗ്, ആക്ഷന്‍ സോഗ് തുടങ്ങി വൈവിധ്യമായ മത്സരങ്ങളാണ് നടക്കുക.
മസ്ജിദുല്‍ കബീറിലെ നാല് വേദികളിലായിട്ടാണ് മത്സരങ്ങള്‍ ഒരുക്കിയിട്ടുള്ളത്. മത്സരങ്ങളുടെ ഒരുക്കും പൂര്‍ത്തിയായതായി സംഘാടക സമിതി അറിയിച്ചു. യോഗത്തില്‍ ഐ.ഐ.സി പ്രസിഡന്റ് യൂനുസ് സലീം അധ്യക്ഷത വഹിച്ചു.