ഖുര്‍ആന്‍ അര്‍ത്ഥമറിഞ്ഞു പഠിക്കുന്നതിലൂടെ ആസ്വാദ്യം കണ്ടത്താന്‍ കഴിയും : നൗഷാദ് മദനി കാക്കവയല്‍
കുവൈറ്റ് : വിശുദ്ധ ഖുര്‍ആനില്‍ പ്രതിപാദിച്ച വിഷയങ്ങള്‍ എന്താണെന്ന് പഠിച്ചു മനസ്സിലാക്കി ജീവിതത്തിലേക്ക് പകര്‍ത്തിയാല്‍ ഖുര്‍ആന്‍ പഠനം ആസ്വാദ്യമാകുമെന്ന് പ്രമുഖ ഖാരിഉം പണ്ഡിതനുമായ നൗഷാദ് മദനി കാക്കവയല്‍ പറഞ്ഞു . ഇന്ത്യന്‍ ഇസ്ലാഹി സെന്റര്‍ കുവൈറ്റ് ജലീബ് യുണിറ്റ് സംഘടിപ്പിച്ച ഇഫ്താര്‍ സംഗമത്തില്‍ ' ആസ്വാദ്യം ഈ വെളിച്ചം ' എന്ന വിഷയത്തില്‍ സംസാരിക്കുകയായിരുന്നു അദ്ദേഹം .
ഖുര്‍ആന്‍ കേവലം പാരായണം ചെയ്താല്‍ അതിന്റെ മാധുര്യം പൂര്‍ണമായും അനുഭവിക്കാന്‍ സാധിച്ചുകൊള്ളണമെന്നില്ല , മറിച്ചു അതില്‍ പ്രതിപാദിച്ചിട്ടുള്ള വിഷയങ്ങള്‍ കൂടി മനസ്സിലാക്കുമ്പോഴാണ് ഖുര്‍ആനിലേക്ക് നമുക്ക് കൂടുതലായി അടുക്കാനും ഖുര്‍ആന്‍ കല്‍പ്പിച്ച തദ്ബ്ബുര്‍ ചെയ്യാനും സാധിക്കുക , അതിനു ഖുര്‍ആന്‍ പഠന സംരംഭങ്ങളുമായി നമ്മള്‍ സഹകരിക്കണമെന്നും അദ്ദേഹം ഉണര്‍ത്തി.
സംഗമത്തില്‍ അബൂബക്കര്‍ സിദീഖ് മദനി അധ്യക്ഷനായിരുന്നു. മുര്‍ഷിദ് അരീക്കാട് സ്വാഗതവും ജംഷീര്‍ തിരുന്നാവായ നന്ദിയും പറഞ്ഞു. ആമിര്‍ ഫര്‍ഹാന്‍ ബിന്‍ അനസ് ഖിറാഅത്ത് നടത്തി