കോഴിക്കോട് തെക്കേപ്പുറം പ്രീമിയര്‍ ലീഗ് : ടീം ഐ. ടി സിറ്റി ജേതാക്കള്‍ കോഴിക്കോട് തെക്കേപ്പുറം പ്രീമിയര്‍ ലീഗ് : ടീം ഐ. ടി സിറ്റി ജേതാക്കള്‍
By : സ്വന്തം ലേഖകൻ
Update: 2025-01-29 10:28 GMT
സബാഹിയ: കോഴിക്കോട് തെക്കേപ്പുറം ടീം സംഘടിപ്പിച്ച മൂന്നാമത് 9A - സൈഡ് ഫുട്‌ബോള്‍ ടൂര്‍ണമെന്റില്‍ ടീം ഐ. ടി. സിറ്റി ജേതാക്കളായി. ഫൈനലില്‍ ടീം എ.സി.എസ്സിനെ പെനാല്‍റ്റി ഷുട്ടൗട്ടിലൂടെ പരാജയപ്പെടുത്തിയാണ് വിജയികളായത്. ടൂര്‍ണമെന്റിലെ മികച്ച കളിക്കാരനായി ഫഹദ് അബ്ദുല്ല, ഡിഫെന്ററായി മനീര്‍ഷ, ഗോള്‍കീപ്പറായി സലിം അബൂബക്കര്‍, ഫൈനലിലെ മാന് ഓഫ് ദ മാച്ച് ആയി ഹസ്സന്‍ ഷംസിനെയും തിരഞ്ഞെടുത്തു.
ജേതാക്കള്‍ക്കുള്ള ട്രോഫി ഷാഹുല്‍ ഹമീദ്, ജാസിം ഐ. ടി സിറ്റി, ഷാജഹാന്‍ ആംട്ടെല്‍, കെ.ട്ടി.പി.എല്‍ പ്രസിഡന്റ് ഷംസുദ്ദീന്‍ അടക്കാനി എന്നിവര്‍ കൈമാറി. 7 നും 15 നും വയസ്സിനിടയിലുള്ള കുട്ടികള്‍ക്കുള്ള മത്സരങ്ങളും സംഘടിപ്പിച്ചു.