രണ്ട് മണി ഷിഫ്റ്റിലെ ജോലിക്കായി തിരക്കിട്ട് യാത്ര; ടൊയോട്ട യാരിസ് സെഡാന് പൊടുന്നനെ നിയന്ത്രണം വിട്ട് മരത്തിലിടിച്ചു; ഓസ്ട്രേലിയയിലെ വിക്ടോറിയയില് ബെന്ഡിഗോയ്ക്ക് സമീപമുണ്ടായ അപകടത്തില് മുക്കൂട്ടുതറ സ്വദേശി ടിജോ ജോസ് തോമസിന് ദാരുണാന്ത്യം; ഭാര്യ അഞ്ജുവും പിഞ്ചുകുഞ്ഞും തനിച്ചായി; വിക്ടോറിയയെ നടുക്കിയ ദുരന്തം!
ഓസ്ട്രേലിയയിലെ വിക്ടോറിയയില് മലയാളി വാഹനാപകടത്തില് മരിച്ചു
മെല്ബണ്: ജോലിക്ക് പോകുന്നതിനിടെ, അവിചാരിതമായി മരണം കടന്നുവന്നു. ഒരു പ്രവാസി കുടുംബത്തിന്റെ താങ്ങും തണലും നഷ്ടമായി. വിക്ടോറിയയിലെ ബെന്ഡിഗോയ്ക്ക് സമീപമുണ്ടായ വാഹനാപകടത്തില് മുക്കൂട്ടുതറ സ്വദേശിയായ ടിജോ ജോസ് തോമസ് (35) മരിച്ചു. ഒരു മാസം മാത്രം പ്രായമുള്ള കുഞ്ഞിനെയും, പ്രിയതമയെയും തനിച്ചാക്കിയുള്ള ടിജോയുടെ അപ്രതീക്ഷിത വിയോഗം ഓസ്ട്രേലിയയിലെ മലയാളി സമൂഹത്തെ ഒന്നടങ്കം നടുക്കിയിരിക്കുകയാണ്.
മരണം വില്ലനായത് ജോലിക്ക് പോകുന്നതിനിടെ
ഇന്ന് ഉച്ചയ്ക്ക് ഏകദേശം 1.45-ഓടെയാണ് അപകടം സംഭവിച്ചത്. മെല്ബണില് നിന്നും 200 കിലോമീറ്റര് അകലെയുള്ള കില്മോറിലായിരുന്നു ടിജോ താമസിച്ചിരുന്നത്. കില്മോറിലെ വീട്ടില് നിന്നും താന് ജോലി ചെയ്യുന്ന ബെന്ഡിഗോയിലേക്ക് രണ്ട് മണി ഷിഫ്റ്റിനായി കാറോടിച്ചു പോകുകയായിരുന്നു അദ്ദേഹം. ഹണ്ട്ലി-ഫോസ്റ്റര്വില്ലെ റോഡിലൂടെ (Huntly-Fosterville Road) സഞ്ചരിക്കവെ ടിജോ ഓടിച്ചിരുന്ന ചുവന്ന ടൊയോട്ട യാരിസ് സെഡാന് (Red Toyota Yaris sedan) നിയന്ത്രണം വിട്ട് മരത്തിലിടിക്കുകയായിരുന്നു.
ഇടിയുടെ ആഘാതത്തില് സംഭവസ്ഥലത്തുതന്നെ മരണം സംഭവിച്ചു എന്നാണ് പ്രാഥമിക വിവരം. വാഹനത്തില് ടിജോ മാത്രമാണ് ഉണ്ടായിരുന്നത്. അപകടത്തിന് തൊട്ടുമുമ്പ്, ഏകദേശം ഒരു മണി വരെയും ടിജോ സുഹൃത്തുക്കളുമായി ഫോണില് സംസാരിച്ചിരുന്നു.
കണ്ണീരിലായി ഒരു കുടുംബം
കഴിഞ്ഞ വര്ഷമായിരുന്നു ടിജോയുടെയും അഞ്ജു തോമസിന്റെയും വിവാഹം. വെറും ഒരു മാസം മാത്രം പ്രായമുള്ള കുഞ്ഞിനെ താലോലിച്ചു കൊതിതീരും മുമ്പേയാണ് ആ പിതാവിനെ മരണം തട്ടിയെടുത്തത്. കില്മോറില് താമസിച്ചിരുന്ന ഈ കുടുംബത്തിന് ടിജോയുടെ വിയോഗം നികത്താനാവാത്ത നഷ്ടമാണ്.
പ്രവാസി സമൂഹത്തിന്റെ ആദരാഞ്ജലികള്
ടിജോയുടെ നിര്യാണത്തില് മലയാളി അസോസിയേഷന് ഓഫ് വിക്ടോറിയ (MAV) ആഴത്തിലുള്ള അനുശോചനം രേഖപ്പെടുത്തി. ബെന്ഡിഗോയിലെയും മെല്ബണിലെയും മലയാളി കൂട്ടായ്മകളില് സജീവമായിരുന്ന ടിജോ എല്ലാവര്ക്കും പ്രിയങ്കരനായിരുന്നു. ടിജോയുടെ ഭൗതികദേഹം നാട്ടിലെത്തിക്കുന്നതുള്പ്പെടെയുള്ള നടപടികള് അസോസിയേഷന് ഭാരവാഹികളുടെ നേതൃത്വത്തില് പുരോഗമിക്കുകയാണ്. അഞ്ജുവിനും കുടുംബത്തിനും ഈ കഠിനമായ ദുഃഖം താങ്ങാനുള്ള കരുത്ത് ലഭിക്കട്ടെയെന്ന് പ്രവാസി സമൂഹം പ്രാര്ത്ഥിക്കുന്നു.
നാട്ടുകാരും സുഹൃത്തുക്കളും ഏറെ സ്നേഹത്തോടെ കണ്ടിരുന്ന ടിജോയുടെ അപ്രതീക്ഷിത വേര്പാട് ബെന്ഡിഗോയിലെയും മെല്ബണിലെയും മലയാളി കൂട്ടായ്മകള്ക്ക് വലിയൊരു ആഘാതമായിരിക്കുകയാണ്.
ഒരു സാധാരണ ദിവസത്തെ ജോലിയിലേക്ക് പോയ ടിജോ ഇനി മടങ്ങിവരില്ല എന്ന സത്യം ഉള്ക്കൊള്ളാന് സുഹൃത്തുക്കള്ക്കും കുടുംബത്തിനും ഇനിയും കഴിഞ്ഞിട്ടില്ല. ടിജോയുടെ ഭൗതികദേഹം നാട്ടിലെത്തിക്കുന്നതുള്പ്പെടെയുള്ള നടപടികള് മലയാളി അസോസിയേഷന് ഓഫ് വിക്ടോറിയയുടെ നേതൃത്വത്തില് പുരോഗമിക്കുകയാണ്.
പോലീസ് അന്വേഷണം
അപകടത്തെക്കുറിച്ച് വിക്ടോറിയ പോലീസ് അന്വേഷണം ആരംഭിച്ചിട്ടുണ്ട്. സംഭവത്തിന് ദൃക്സാക്ഷികളായവരോ, ഡാഷ് ക്യാം ദൃശ്യങ്ങളോ മറ്റ് വിവരങ്ങളോ കൈവശമുള്ളവരോ ഉണ്ടെങ്കില് ക്രൈം സ്റ്റോപ്പേഴ്സുമായി (Crime Stoppers) 1800 333 000 എന്ന നമ്പറില് ബന്ധപ്പെടണമെന്ന് പോലീസ് നിര്ദ്ദേശിച്ചിട്ടുണ്ട്.