ക്ഷേത്രോത്സവത്തിന് പോയി മടങ്ങിവരവെ നിയന്ത്രണം വിട്ട ബൈക്ക് വൈദ്യുതി തൂണിലിടിച്ചു; യുവാവിന് അന്ത്യം

കണ്ണൂര്‍: കണ്ണൂര്‍ കാടാച്ചിറയില്‍ ക്ഷേത്രോത്സവം കഴിഞ്ഞ് വീട്ടിലേക്ക് മടങ്ങുകയായിരുന്ന യുവാവ് ബൈക്ക് നിയന്ത്രണം വിട്ട് വൈദ്യുതി തൂണിലിടിച്ചു മറിഞ്ഞ് മരിച്ചു. കാടാച്ചിറ അരയാല്‍ത്തറ സ്വദേശി ഒരുകര പള്ള വീട്ടില്‍ വൈഷ്ണവ് സന്തോഷാണ് ചൊവ്വാഴ്ച്ച രാത്രി 12 മണിക്ക് നടന്ന അപകടത്തില്‍ മരിച്ചത്. ബൈക്കില്‍ കൂടെയുണ്ടായിരുന്ന സുഹൃത്ത് പ്രദ്യുതിനും പരുക്കേറ്റിട്ടുണ്ട്.

ചൊവ്വാഴ്ച്ച അര്‍ധരാത്രിയോടെ സമീപത്തെ ക്ഷേത്രത്തിലെ ഉത്സവത്തില്‍ പങ്കെടുത്ത് മടങ്ങവെ കാടാച്ചിറ ഡോക്ടര്‍ മുക്കിന് സമീപത്തു വെച്ച് ബൈക്ക് നിയന്ത്രണം വിട്ട് ഇലക്ട്രിക് പോസ്റ്റില്‍ ഇടിക്കു കയായിരുന്നു. റോഡിലേക്ക് തെറിച്ചു വീണ ഇരുവരെയും നാട്ടുകാര്‍ കണ്ണൂരിലെ സ്വകാര്യ ആശുപത്രിയിലെത്തിച്ചുവെങ്കിലും വൈഷ്ണവ് മരണമടയുകയായിരുന്നു. സന്തോഷ് - ഷൈബ ദമ്പതികളുടെ ഏക മകനാണ് വൈഷ്ണവ് സഹോദരി: വൈഡൂര്യ '