ഓടുന്ന ട്രെയിനിന്റെ എൻജിൻ കാബിനിലെ ചില്ലിൽ പരുന്ത് ഇടിച്ചു; ലോക്കോപെെലറ്റിന് പരിക്ക്; വൈറലായി വീഡിയോ
ശ്രീനഗർ: ജമ്മു കാശ്‌മീരിലെ അനന്ത്‌നാഗ് ജില്ലയിൽ ഓടുന്ന ട്രെയിനിന്റെ എൻജിൻ കാബിനിലെ ഗ്ലാസിൽ പരുന്തിടിച്ച് ലോക്കോപെെലറ്റിന് പരിക്ക്. ബാരാമുള്ള-ബനിഹാൽ പാതയിൽ ബിജ്ബെഹാരയ്ക്കും അനന്ത്‌നാഗിനുമിടയിൽ തിങ്കളാഴ്ചയാണ് സംഭവം. എൻജിൻ്റെ മുൻഭാഗത്തെ ചില്ല് തകർത്ത് പരുന്ത് കാബിനകത്തേക്ക് വീണത്.
The king of skies, now frightened in a corner of the engine cabin ,struck by the speeding train’s windscreen of running train between Bijbehara and Anantnag.
— Ranjan jotshi (@RanjanJotshi) November 8, 2025
Even strength has moments of helplessness. Nature’s grace meets human speed.
Thank God, both the eagle & pilot are safe. pic.twitter.com/LAGsoLIiAJ
ഇത് ലോക്കോ പൈലറ്റിന്റെ മുഖത്ത് പരിക്കേൽക്കാൻ ഇടയാക്കി. അപകടത്തെ തുടർന്ന് ട്രെയിൻ അനന്ത്‌നാഗ് റെയിൽവേ സ്റ്റേഷനിൽ നിർത്തിവെക്കുകയും പരിക്കേറ്റ ലോക്കോ പൈലറ്റിന് പ്രാഥമിക ചികിത്സ നൽകുകയും ചെയ്തു. പരിക്കേറ്റെങ്കിലും ലോക്കോ പൈലറ്റ് ഡ്യൂട്ടി തുടർന്നു. സംഭവത്തിൻ്റെ ദൃശ്യങ്ങൾ പുറത്തുവന്നിട്ടുണ്ട്. എൻജിൻ കാബിനകത്ത് തറയിൽ കിടക്കുന്ന പരുന്തിൻ്റെയും കേടായ ചില്ലിൻ്റെയും ദൃശ്യങ്ങൾ വീഡിയോയിൽ വ്യക്തമാണ്.