'എന്റെ കാർ ഒരു സംഘം ആളുകൾ ആക്രമിച്ചു';'ചില്ല് കല്ലെറിഞ്ഞ് തകർത്തു';'കൂടുതൽ വിവരങ്ങൾ നൽകാൻ താല്പര്യമില്ല'; കാർ ആക്രമിക്കപ്പെട്ട സംഭവത്തിൽ പോലീസിനോട് പരാതി പറഞ്ഞ് യുവാവ്; വൈറലായി പോസ്റ്റ്

ബെംഗളൂരു: തന്റെ കാർ ആക്രമിക്കപ്പെട്ട സംഭവം പോലീസിനോട് പറഞ്ഞ യുവാവിന്റെ പോസ്റ്റാണ് ഇപ്പോൾ നവമാധ്യമങ്ങളിൽ വൈറലായിരിക്കുന്നത്. തിരക്കേറിയ റോഡിന് നടുവിൽ ഒരു സംഘം തന്‍റെ കാർ ആക്രമിക്കുന്ന ദൃശ്യം പങ്കുവെച്ച് യുവാവ്.

അക്രമികൾ കാറിന്‍റെ ചില്ല് കല്ലെറിഞ്ഞ് തകർക്കുകയും ഭീഷണിപ്പെടുത്തുകയും ചെയ്തെന്ന് യുവാവ് പറയുന്നു. ബെംഗളൂരുവിലെ കുഡ്‌ലുവിലെ റോഡിൽ വൈകീട്ട് ഏഴ് മണിക്കാണ് സംഭവമെന്ന് ദേവൻ മേത്ത പറഞ്ഞു. നവമാധ്യമങ്ങളിൽ ദൃശ്യങ്ങൾ സഹിതം പങ്ക് വച്ചാണ് യുവാവിന്‍റെ പോസ്റ്റ്.

യുവാവിന്റെ വാക്കുകൾ, 'അവരുടെ ബൈക്ക് പിന്നിൽ നിന്ന് എന്‍റെ കാറിൽ തട്ടി. ഞാൻ കാറിന്‍റെ കണ്ണാടിയിലൂടെ നോക്കി കേടുപാടൊന്നുമില്ല, നിങ്ങൾ പോവൂ എന്ന് അവരോട് പറഞ്ഞു. അവർ കന്നഡയിൽ ആക്രോശിച്ചു" ദേവൻ മേത്ത കുറിക്കുകയും ചെയ്തു.

പോസ്റ്റിന് മറുപടിയായി വിശദാംശങ്ങൾ നൽകാൻ ബെംഗളൂരു പൊലീസ് ആവശ്യപ്പെട്ടു. എന്നാൽ വിവരം നൽകില്ലെന്നാണ് യുവാവിന്‍റെ മറുപടി- "ക്ഷമിക്കണം, എനിക്ക് സുരക്ഷിതത്വമില്ലെന്ന് തോന്നുന്നതിനാൽ വിശദാംശങ്ങളൊന്നും നൽകാൻ ആഗ്രഹിക്കുന്നില്ല'. എന്നും യുവാവ് വീഡിയോയിൽ പറയുന്നു.