കുടകില്‍ കാട്ടാന ആക്രമണത്തില്‍ ഒരാള്‍ മരിച്ചു; ആന ആക്രമിച്ചത് ആറരയോടെ പ്രഭാത നടത്തത്തിന് പോയപ്പോള്‍
കുടകില്‍ കാട്ടാന ആക്രമണത്തില്‍ ഒരാള്‍ മരിച്ചു
By : സ്വന്തം ലേഖകൻ
Update: 2025-04-24 17:07 GMT
മംഗളൂരു: കുടക് വിരാജ്‌പേട്ട താലൂക്കിലെ പൊന്നമ്പേട്ടിനടുത്തുള്ള എമ്മെഗുണ്ടി എസ്റ്റേറ്റില്‍ ആനയുടെ ആക്രമണത്തില്‍ ഒരാള്‍ മരിച്ചു. കാപ്പിത്തോട്ടം സൂപ്പര്‍വൈസറായ ചെല്ലയാണ് (65) കൊല്ലപ്പെട്ടത്. വ്യാഴാഴ്ച രാവിലെയാണ് സംഭവം.
ആറരയോടെ പ്രഭാത നടത്തത്തിന് പോയപ്പോഴാണ് കാട്ടാന അക്രമിച്ചത്. ഗുരുതരമായി പരിക്കേറ്റ ചെല്ല സംഭവസ്ഥലത്ത് തന്നെ മരിച്ചു. വനംവകുപ്പ് ജീവനക്കാര്‍ പ്രദേശത്ത് ആനക്കായി തിരച്ചില്‍ ആരംഭിച്ചു.
റേഞ്ച് ഫോറസ്റ്റ് ഓഫിസര്‍ ഗംഗാധര്‍, ഡെപ്യൂട്ടി റേഞ്ച് ഓഫിസര്‍ ശശി എന്നിവര്‍ സ്ഥലത്തെത്തി.