അമ്മയുമായി വഴിവിട്ട ബന്ധം; 30കാരനെ വളഞ്ഞിട്ട് ആക്രമിച്ച് അതിദാരുണമായി വെട്ടിക്കൊലപ്പെടുത്തി; യുവതിയുടെ പ്രായപൂർത്തിയാകാത്ത മകനും സുഹൃത്തുക്കളും പിടിയിൽ; അന്വേഷണം തുടരുന്നു

പൂനെ: തന്റെ അമ്മയുമായി യുവാവിന് അവിഹിത ബന്ധം ഉണ്ടെന്ന് ആരോപിച്ച് വടിവാളിന് വെട്ടിക്കൊലപ്പെടുത്തി പ്രായപൂർത്തിയാകാത്ത മകനും സുഹൃത്തുക്കളും. മഹാരാഷ്ട്രയിലെ പൂനെയിലെ കോത്രുഡിൽ വ്യാഴാഴ്ച രാത്രിയാണ് അക്രമം നടന്നത്. പൂനെ മുൻസിപ്പൽ കോർപ്പറേഷനിലെ കോൺട്രാക്ടറും മുപ്പതുകാരനുമായ രാഹുൽ ദശരഥ് ജാദവ് എന്നയാളാണ് വെട്ടേറ്റ് ഗുരുതര പരിക്കുകളെ തുടർന്ന് മരിച്ചത്.

ഭോർ സ്വദേശിയായ 30 കാരന്റെ മരണത്തിന് പിന്നാലെ നടന്ന അന്വേഷണത്തിൽ പ്രായപൂർത്തിയാകാത്ത അഞ്ച് കൌമാരക്കാരാണ് അറസ്റ്റിലായത്. സംഘത്തിലെ ഒരാളുടെ അമ്മയുമായി 30കാരന് അവിഹിത ബന്ധമുണ്ടെന്ന് ആരോപിച്ചായിരുന്നു കൊലപാതകം. വ്യാഴാഴ്ച വൈകുന്നേരം അഞ്ച് മണിയോടെ സാഗർ കോളനിയിലേക്ക് എത്തിയ 30കാരനെ കൌമാരക്കാർ തടയുകയായിരുന്നു.

ആയുധവുമായി എത്തിയ കൌമാരക്കാർ യുവാവിനെ വളഞ്ഞിട്ട് ആക്രമിക്കുകയായിരുന്നു. ഗുരുതര പരിക്കുകളേറ്റ ഇയാളെ പൊലീസ് എത്തിയാണ് ആശുപത്രിയിൽ എത്തിച്ചത്. അയൽവാസികളാണ് അറസ്റ്റിലായ കൌമാരക്കാർ. അറസ്റ്റിലായ അഞ്ച് പേരെയും ജുവനൈൽ നിരീക്ഷണ കേന്ദ്രത്തിലേക്ക് മാറ്റിയതായും സംഭവത്തിൽ അന്വേഷണം തുടരുന്നതായാണ് കോത്രുഡ് പോലീസ് വ്യക്തമാക്കി.