സിക്കിമിൽ ശക്തമായ മഴയും മണ്ണിടിച്ചിലും; ആയിരത്തോളം വിനോദസഞ്ചാരികൾ കുടുങ്ങി കിടക്കുന്നു; ചുങ്താങ് റോഡിലെ ഗതാഗതം പൂർണമായും നിലച്ചു; പരിഭ്രാന്തിയിൽ നാട്ടുകാർ

ഗാങ്ടോക്ക്: ശക്തമായ മഴയെ തുടർന്ന് നോർത്ത് സിക്കിമിലെ രണ്ടിടങ്ങളിൽ വൻ മണ്ണിടിച്ചിൽ. ലാച്ചങ് - ചുങ്താങ് റോഡിലെ മുഷിതാങ്, ലെമ മേഖലകളിൽ മണ്ണിടിച്ചിലിനെ തുടർന്ന് ഗതാഗതം പൂർണമായും നിലച്ചു. മേഖലയിൽ ആയിരത്തോളം വിനോദസഞ്ചാരികൾ കുടുങ്ങിക്കിടക്കുന്നതായി അധികൃതർ വ്യക്തമാക്കി. 200 ഓളം വരുന്ന ടൂറിസ്റ്റ് വാഹനങ്ങളും അതിലെ യാത്രക്കാരെയും സമീപത്തെ ഗുരുദ്വാരയിലേക്ക് മാറ്റിയതായി ഉദ്യോഗസ്ഥർ പറയുന്നു.

മേഖലയിൽ ഇപ്പോഴും ശക്തമായ മഴ തുടർന്ന് കൊണ്ടിരിക്കുകയാണ്. ചുങ്താങ് റോഡ് തുറന്നിരിക്കുകയാണെങ്കിലും മഴ മൂലം യാത്രയിൽ ബുദ്ധിമുട്ട് നേരിടാനുള്ള സാധ്യത നിലവിൽ ഉണ്ട്. ആയതിനാൽ നോർത്ത് സിക്കിമിലേക്കുള്ള എല്ലാ യാത്ര പെർമിറ്റുകളും താൽക്കാലികമായി റദ്ദ് ചെയ്തിരിക്കുന്നു" മൻഗൻ എസ്പി സോനം ബൂട്ടിയ വ്യക്തമാക്കി.