കാറുമായി കറങ്ങാനിറക്കി; പിന്നാലെ വീട്ടുമുറ്റത്ത് കോലമിട്ടിരുന്നവരുടെ ഇടയിലേക്ക് കാർ പാഞ്ഞുകയറി അപകടം; കൗമാരക്കാരൻ കസ്റ്റഡിയിൽ; സംഭവം മധ്യപ്രദേശിൽ

ഇൻഡോർ: കാറുമായി കറങ്ങാനിറങ്ങിയ കൗമാരക്കാരൻ ഇടിച്ചുകയറിയത് നാട്ടുകാരുടെ തോളിലോട്ട്. വീടിന്റെ മുറ്റത്ത് കോലമിട്ടിരുന്നവരുടെ ഇടയിലേക്ക് കാർ പാഞ്ഞുകയറിയാണ് അപകടം നടന്നത്. കൂട്ടുകാരന്റെ കാറുമായി കറങ്ങാനിറങ്ങിയ കൗമാരക്കാരനാണ് നാട്ടുകാർക്ക് തലവേദന ഉണ്ടാക്കിയത്.

മധ്യപ്രദേശിലെ ഇൻഡോർ നഗരത്തിലാണ് സംഭവം നടന്നത്. തിങ്കളാഴ്ച വീട്ടുമുറ്റത്ത് കോലം വരച്ചുകൊണ്ടിരുന്ന 21കാരിക്കും 14കാരിക്കുമാണ് സംഭവത്തിൽ പരിക്കേറ്റത്. കോലമിട്ടുകൊണ്ടിരുന്നവരുടെ മുകളിലൂടെ ഇടിച്ച് കയറിയ കാർ സമീപത്തെ കെട്ടിടത്തിലേക്ക് ഇടിച്ച് കയറിയാണ് ഒടുവിൽ കാർ നിന്നത്. ശേഷം ആഡംബര കാർ ഉപേക്ഷിച്ച് കൗമാരക്കാരൻ കാറിൽ നിന്ന് ഇറങ്ങി ഓടുകയും ചെയ്തു.

സംഭവത്തിൽ രണ്ടുപേരെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചിരിക്കുന്നത്. ഇൻഡോറിലെ എയറോഡ്രോം പോലീസ് സ്റ്റേഷൻ പരിധിയിലാണ് അപകടം സംഭവിച്ചത്.

അമിത വേഗതയിലെത്തിയ കാർ ഇവരുടെ മേലേയ്ക്ക് പാഞ്ഞുകയറുകയായിരുന്നുവെന്നാണ് ഡെപ്യൂട്ടി കമ്മീഷണർ ഓഫ് പോലീസ് വിനോദ് കുമാർ മീന വിശദമാക്കി. സംഭവത്തിൽ കൂടുതൽ അന്വേഷണം നടക്കുന്നതായി പോലീസ് പറഞ്ഞു.