നിയമസഭയ്ക്കുള്ളില്‍ മൊബൈലില്‍ റമ്മി കളിച്ചു; മഹാരാഷ്ട്രയിലെ കൃഷി മന്ത്രിയെ കായിക വകുപ്പിലേക്ക് മാറ്റി
നിയമസഭയ്ക്കുള്ളില്‍ മൊബൈലില്‍ റമ്മി കളിച്ചു; മഹാരാഷ്ട്രയിലെ കൃഷി മന്ത്രിയെ കായിക വകുപ്പിലേക്ക് മാറ്റി
നിയമസഭയ്ക്കുള്ളില്‍ മൊബൈലില്‍ റമ്മി കളിച്ചു; മഹാരാഷ്ട്രയിലെ കൃഷി മന്ത്രിയെ കായിക വകുപ്പിലേക്ക് മാറ്റിമുംബൈ: മഹാരാഷ്ട്ര നിയമസഭയ്ക്കുള്ളില്‍ മൊബൈലില്‍ റമ്മി കളിച്ച് മന്ത്രി. കൃഷിമന്ത്രി മണിക്‌റാവു കൊക്കാട്ടെയാണ് നിയമ സഭ കൂടുന്നതിനിടെ മൊബൈലില്‍ റമ്മി ഗെയിം കളിച്ചത്. സംഭവത്തിന്റെ വീഡിയോ വൈറലാവുകയും വിവാദമാവുകയും ചെയ്തതോടെ അദ്ദേഹത്തെ കൃഷി വകുപ്പില്‍ നിന്ന് കായിക യുവജനക്ഷേമ വകുപ്പിലേക്ക് മാറ്റി. മുഖ്യമന്ത്രി ദേവേന്ദ്ര ഫഡ്‌നാവിസും ഉപമുഖ്യമന്ത്രി അജിത് പവാറും തമ്മിലുള്ള കൂടിക്കാഴ്ചയ്ക്ക് ശേഷമാണ് തീരുമാനം.
മന്ത്രി മൊബൈലില്‍ ഗെയിം കളിക്കുന്ന വിഡിയോ എന്‍സിപി എംഎല്‍എ രോഹിത് പവാര്‍ പുറത്തുവിട്ടിരുന്നു. മന്ത്രിക്ക് മറ്റു ജോലിയൊന്നും ഇല്ലാത്തതിനാലാണ് ഗെയിം കളിക്കാന്‍ സമയം കിട്ടുന്നതെന്ന് രോഹിത് പവാര്‍ ആരോപിച്ചിരുന്നു. എക്‌സിലാണ് രോഹിത് പവാര്‍ വിഡിയോ പങ്കുവച്ചത്. പിന്നാലെ വിവാദമാകുകയായിരുന്നു.