രാജസ്ഥാനില്‍ വാഹനാപകടം; പ്രധാനമന്ത്രിയുടെ പ്രത്യേക സംരക്ഷണ സേനാംഗമായ മലയാളി മരിച്ചു
By : സ്വന്തം ലേഖകൻ
Update: 2025-09-17 08:06 GMT
കാസര്‍കോട്: രാജസ്ഥാനിലുണ്ടായ വാഹനാപകടത്തില്‍ പ്രധാനമന്ത്രി നരേന്ദ്രമോദിയുടെ പ്രത്യേക സംരക്ഷണ സേനാംഗം (എസ്പിജി) ഷിന്‍സ് മോന്‍ തലച്ചിറ (45) മരിച്ചു.കാസര്‍കോട് ചിറ്റാരിക്കാല്‍ മണ്ഡപത്തെ തലച്ചിറ മാണിക്കുട്ടിയുടെയും ഗ്രേസിക്കുട്ടിയുടെയും മകനാണ് ഷിന്‍സ് മോന്‍. 23 വര്‍ഷമായി എസ്പിജിയില്‍ സേവനമനുഷ്ഠിക്കുകയാണ്. ഭാര്യ - ജെസ്മി (നഴ്സ്, കണ്ണൂര്‍ ഉദയഗിരി). മക്കള്‍ - ഫിയോണ, ഫെബിന്‍. മൃതദേഹം വെള്ളിയാഴ്ച നാട്ടിലെത്തിക്കും.