'രാജ്യത്ത് ഇന്ധന പ്രതിസന്ധിയില്ല, ആവശ്യത്തിന് സ്റ്റോക്കുണ്ട്'; അനാവശ്യ പരിഭ്രാന്തി ഒഴിവാക്കണമെന്ന് കേന്ദ്രസര്ക്കാര്
ന്യൂഡല്ഹി: രാജ്യത്ത് ഇന്ധന പ്രതിസന്ധിയില്ലെന്നാവര്ത്തിച്ച് കേന്ദ്രസര്ക്കാര്. പെട്രോള്, ഡീസല്, എല്പിജി, പിഎന്ഴജി എന്നിവ ആവശ്യത്തിന് സ്റ്റോക്കുണ്ടെന്ന് പെട്രോളിയം, പ്രകൃതി വാതക മന്ത്രാലയം വ്യക്തമാക്കി. അനാവശ്യ പരിഭ്രാന്തി മൂലമാണ് പമ്പുകളില് തിരക്കുണ്ടാകുന്നത്. കരിഞ്ചന്തയില് എല്പിജി വില്പ്പനയ്ക്കെതിരെ ശക്തമായ നടപടിയെടുത്തിട്ടുണ്ട്. എന്നാല് യൂറിയ ഉല്പ്പാദനത്തെ പശ്ചിമേഷ്യന് സംഘര്ഷം ബാധിച്ചുവെന്ന് കെമിക്കല്സ് ആന്ഡ് ഫെര്ട്ടിലൈസേഴ്സ് മന്ത്രാലയം അറിയിച്ചു.
അതിനിടെ പശ്ചിമേഷ്യന് സംഘര്ഷത്തിനിടെ എട്ട് ഇന്ത്യക്കാര് മരിച്ചെന്നും ഒരാളെ കാണാതായി എന്നും വിദേശകാര്യമന്ത്രാലയം അറിയിച്ചു. പശ്ചിമേഷ്യന് സംഘര്ഷം നിരീക്ഷിച്ച് അവശ്യ നടപടികള് സ്വീകരിക്കുന്നത് തുടര്ന്ന് ഇന്ത്യ. മണ്ണെണ്ണ സൂക്ഷിക്കുന്നതിനും വിതരണം ചെയ്യുന്നതിനുമുള്ള നിയമങ്ങളില് കേന്ദ്രസര്ക്കാര് ഇളവ് വരുത്തി. ഇതോടെ മണ്ണെണ്ണ രഹിതമായി മാറിയ 21 സംസ്ഥാന - കേന്ദ്രഭരണ പ്രദേശങ്ങളില് മണ്ണെണ്ണ വിതരണം ചെയ്യും. അതേസമയം ഹോര്മുസ് കടലിടുക്ക് കടന്ന BW TYR നാളെ മുംബൈ തീരത്തും, BW ELM മറ്റന്നാള് മാംഗ്ലൂര് തീരത്തും എത്തും.