ബെംഗളൂരു നഗരത്തില്‍ വീണ്ടും പുലി; അപ്പാര്‍ട്‌മെന്റ് പാര്‍ക്കിങ് ഏരിയയില്‍ അലഞ്ഞു തിരിയുന്ന പുലിയുടെ ദൃശ്യം പുറത്ത്; ജാഗ്രത പാലിക്കാന്‍ നിര്‍ദേശം
Update: 2025-01-30 07:41 GMT
ബെംഗളൂരു: ബെംഗളൂരു നഗരത്തില്‍ വീണ്ടും പുലികള്‍. ഒന്നല്ല, രണ്ട് പുലികളെയാണ് കണ്ടത്. നോര്‍ത്ത് സോണ്‍ സബ് ഡിവിഷനിലാണു രണ്ടു പുലികളുടെ സാന്നിധ്യം സ്ഥിരീകരിച്ചത്. അതീവ ജാഗ്രത പാലിക്കാന്‍ വനം വകുപ്പ് നിര്‍ദേശം നല്‍കി.
നഗരത്തോടു ചേര്‍ന്നുള്ള ശിവക്കോട്ട ഗ്രാമപഞ്ചായത്ത് പരിധിയിലും പരിസരങ്ങളിലുമാണു പുലി സാന്നിധ്യം. രാമഗൊണ്ടനഹള്ളിയില്‍ അപ്പാര്‍ട്ട്‌മെന്റിന്റെ പാര്‍ക്കിങ് ഏരിയയില്‍ അലഞ്ഞു തിരിയുന്ന പുലികളുടെ ദൃശ്യങ്ങള്‍ പുറത്തുവന്നിരുന്നു. വനം വകുപ്പ് തിരിച്ചില്‍ ആരംഭിച്ചിരിക്കുകയാണ്.