ഡ്യൂട്ടി കഴിഞ്ഞ് വീട്ടിലേക്ക് മടങ്ങവേ പോലീസുകാരിയോട് ചെയ്തത്; പിറകെ ചെയ്‌സ് ചെയ്തിട്ടും കിട്ടിയില്ല; രണ്ടുപേർക്കായി തിരച്ചിൽ ശക്തം; ദൃശ്യങ്ങൾ പുറത്ത്; സംഭവം ചെന്നൈയിൽ

ചെന്നൈ: രണ്ടംഗ സംഘം പോലീസുകാരിയുടെ മാല കവർന്നു. ചെന്നൈയിലെ താംബരത്ത് ഇന്നലെ രാത്രിയാണ് ഞെട്ടിപ്പിക്കുന്ന സംഭവം നടന്നത്. ചെന്നൈ സിറ്റി പോലീസ് കമ്മീഷണറുടെ ഓഫീസിൽ ജോലി ചെയ്യുന്ന വനിതാ കോൺസ്റ്റബിൾ ആണ് ആക്രമിക്കെപ്പെട്ടത്.

ഡ്യൂട്ടി കഴിഞ്ഞ് വീട്ടിലേക്ക് മടങ്ങുമ്പോൾ ബൈക്കിൽ എത്തിയ രണ്ടംഗ സംഘം മാല മോഷ്ടിക്കുകയായിരുന്നു. പോലീസുകാരി ബൈക്കിന് പിന്നാലെ ഓടിയെങ്കിലും അക്രമികളെ പിടികൂടാനായില്ല.

സംഭവത്തിന്റെ സിസിടിവി ദൃശ്യങ്ങൾ പുറത്തുവന്നു. ഇന്നലെ മാത്രം താംബരത്ത് എട്ടിടങ്ങളിൽ മാല കവർന്ന പരാതികൾ റിപ്പോർട്ട് ചെയ്തിട്ടുണ്ട്. അന്വേഷണത്തിനായി മൂന്ന് പ്രത്യേക സംഘത്തെ നിയോഗിച്ചതായി പൊലീസ് അറിയിച്ചു. അതേസമയം, ഡിഎംകെ ഭരണത്തിൽ പോലീസുകാർക്ക് പോലും രക്ഷയില്ലെന്ന് എഐഎഡിഎംകെ രൂക്ഷമായി വിമർശിച്ചു.