ട്യൂഷന്‍ കഴിഞ്ഞ് മടങ്ങിയ കുട്ടിയ്ക്ക് നേരെ അതിക്രമം; പിതാവിന്റെ സുഹൃത്ത് ചമഞ്ഞ് പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ടു പോകാന്‍ ശ്രമം: യുവാവ് അറസ്റ്റില്‍
ചിങ്ങവനം: പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ടുപോകാന്‍ ശ്രമിച്ച കേസില്‍ യുവാവിനെ പൊലീസ് അറസ്റ്റ് ചെയ്തു. അതിരമ്പുഴ മാര്‍ക്കറ്റ് ഭാഗത്ത് പുത്തന്‍പുരയ്ക്കല്‍ വീട്ടില്‍ ആസിഫ്(28) എന്നയാളെയാണ് ചിങ്ങവനം പൊലീസ് അറസ്റ്റ് ചെയ്തത്. ഒക്ടോബര്‍ രണ്ടിന് രാവിലെ ട്യൂഷന്‍ കഴിഞ്ഞ് വീട്ടിലേക്ക് നടന്നു പോവുകയായിരുന്ന പ്രായപൂര്‍ത്തിയാകാത്ത പെണ്‍കുട്ടിയെ കാറിലെത്തിയ ഇയാള്‍ തട്ടിക്കൊണ്ടുപോകാന്‍ ശ്രമിക്കുകയായിരുന്നു.
പെണ്‍കുട്ടിയുടെ പിതാവിന്റെ സുഹൃത്താണെന്നാണ് പറഞ്ഞത്. വിവരമറിഞ്ഞ പിതാവ് കഴിഞ്ഞദിവസം ചിങ്ങവനം പോലീസില്‍ പരാതിനല്‍കുകയായിരുന്നു. പരാതിയെ തുടര്‍ന്ന് പോലീസ് കേസ് രജിസ്റ്റര്‍ ചെയ്യുകയും തുടര്‍ന്ന് നടത്തിയ ശാസ്ത്രീയമായ പരിശോധനയില്‍ യുവാവിനെ തിരിച്ചറിയുകയും പിടികൂടുകയുമായിരുന്നു.
ചിങ്ങവനം എസ്.എച്ച്.ഒ അനില്‍കുമാര്‍ വി.എസ്, എസ്.ഐമാരായ വിഷ്ണു വി.വി, ഷിബുകുമാര്‍, സി.പി.ഒമാരായ റിങ്കു, സഞ്ജിത്ത്, ദിലീപ്, വിനോദ് മാര്‍ക്കോസ് എന്നിവര്‍ ചേര്‍ന്നാണ് അറസ്റ്റ് ചെയ്തത്. ആസിഫിന് ഏറ്റുമാനൂര്‍ എക്സൈസില്‍ കഞ്ചാവ് കൈവശം വെച്ചതിന് കേസ് നിലവിലുണ്ട്. പ്രതിയെ കോടതിയില്‍ ഹാജരാക്കി