റോഡ് ക്രോസ് ചെയ്യാൻ നിന്ന് വയോധിക; പിന്നാലെ പാഞ്ഞെത്തിയ സ്കൂട്ടർ ഇടിച്ച് തെറിപ്പിച്ചു; വണ്ടി നിർത്തി നോക്കി നിന്ന് യുവതിയും യുവാവും; നമ്മൾ ഒന്നും..അറിഞ്ഞിട്ടില്ലെന്ന ഭാവം; നാട്ടുകാർ കൂടിയതും സംഭവിച്ചത് മറ്റൊന്ന്; ദൃശ്യങ്ങൾ പുറത്ത്; പോലീസ് അന്വേഷണം തുടങ്ങി; തുമ്പറ ക്ഷേത്രത്തിന് മുന്നിൽ നടന്നത്!
കൊല്ലം: റോഡ് മുറിച്ചു കടക്കുന്നതിനിടെ വയോധികയെ സ്കൂട്ടര്‍ ഇടിച്ചു തെറിപ്പിച്ചു. കൊല്ലത്താണ് സംഭവം നടന്നത്. അപകടം നടന്ന ശേഷം സ്കൂട്ടര്‍ യാത്രക്കാരനായ യുവാവും പിന്‍സീറ്റിലിരുന്ന യുവതിയും വാഹനവുമായി അവിടെ നിന്നും രക്ഷപ്പെടുകയും ചെയ്തു. അപകടത്തിൽ സ്കൂട്ടര്‍ ഇടിച്ച് മുണ്ടക്കൽ സ്വദേശിനി സുശീലയ്ക്ക് ഗുരുതരമായി പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചിട്ടുണ്ട്. ആശുപത്രിയിൽ ചികിത്സയിലുള്ള ഇവരുടെ ആരോഗ്യ നില ഗുരുതരമായി തുടരുകയാണ്.
തുമ്പറ ക്ഷേത്രത്തിന് മുന്നിലാണ് അപകടം നടന്നത്. സുശീല റോഡ് മുറിച്ചു കടക്കുന്നതിനിടെ റോഡിലൂടെ പോവുകയായിരുന്ന സ്കൂട്ടര്‍ ഇടിച്ചിടുകയായിരുന്നു. റോഡിൽ സുശീല വീണെങ്കിലും സ്കൂട്ടര്‍ യാത്രക്കാരനും യുവതിയും അവിടെ നിന്നും വാഹനവുമായി കടന്നുകളയുകയായിരുന്നു. തുടര്‍ന്ന് നാട്ടുകാരാണ് സുശീലയെ ആശുപത്രിയിൽ എത്തിച്ചത്. സംഭവത്തിൽ കൊല്ലം ഈസ്റ്റ് പോലീസ് അന്വേഷണം തുടങ്ങി.
അപകടത്തിന്‍റെ സിസിടിവി ദൃശ്യങ്ങളും പുറത്തുവന്നു. സ്കൂട്ടര്‍ അമിത വേഗതയിലായിരുന്നുവെന്നും തെറ്റായ ദിശയിൽ നിന്നാണ് സ്കൂട്ടര്‍ വന്നതെന്നും നാട്ടുകാര്‍ ആരോപണം ഉയർത്തുന്നു. തുമ്പറ ക്ഷേത്രത്തിൽ ദര്‍ശനം കഴിഞ്ഞ് മടങ്ങുന്നതിനിടെയാണ് സുശീലയെ സ്കൂട്ടര്‍ ഇടിച്ചത്. ഇവര്‍ക്കൊപ്പം മറ്റു സ്ത്രീകളും റോഡ് മുറിച്ചു കടക്കുന്നുണ്ടായിരുന്നു. ഇതിനിടെ അമിത വേഗതയിലെത്തിയ സ്കൂട്ടര്‍ സുശീലയെ ഇടിച്ചു തെറിപ്പിക്കുകയായിരിന്നു.
പിൻസീറ്റിലുണ്ടായിരുന്ന യുവതി ഹെല്‍മറ്റും ധരിച്ചിരുന്നില്ല. അപകടം നടന്ന ഉടനെ യുവതി സ്കൂട്ടറിൽ നിന്ന് ഇറങ്ങി മാറി നിൽക്കുന്നതും സിസിടിവിയിൽ നിന്നും വ്യക്തമാണ്. ഇതിനിടെയിൽ യുവാവും വാഹനം ഒതുക്കാനെന്ന രീതിയിൽ അരികിലേക്ക് മാറിയശേഷം സ്കൂട്ടര്‍ മെല്ലേ ഓടിച്ച് നീക്കിയശേഷം യുവതിയെയും കയറ്റി പോകുന്നതും ദൃശ്യങ്ങളിൽ ഉണ്ട്.
സ്കൂട്ടര്‍ ഇടിച്ചശേഷം പിന്‍ സീറ്റിലിരുന്ന യുവതി ആളുകള്‍ കൂടുന്നതിനിടെ സ്ഥലത്ത് നിന്ന് മാറി നിൽക്കുകയായിരുന്നുവെന്ന് ദൃക്സാക്ഷികള്‍ വ്യക്തമാക്കി. തുടര്‍ന്ന് യുവാവിനെയും വിളിച്ചുകൊണ്ട് സ്കൂട്ടറിൽ ഇരുവരും പോവുകയായിരുന്നുവെന്നും കണ്ടുനിന്നവർ പറയുന്നു.