ബസിനുള്ളിൽ മുൻ കാമുകിയെ കണ്ടത് ഇഷ്ടപ്പെട്ടില്ല; ഭർത്താവുമായി ചിരിച്ച് കളിക്കുന്നത് അസൂയയോടെ നോക്കി നിന്നു; കലികയറി യുവാവ് ദമ്പതികളുമായി തർക്കിച്ചു; പിന്നാലെ അരുംകൊല; കണ്ടുനിന്നവർ നിലവിളിച്ചു; ഭാര്യയെ കസ്റ്റഡിയിലെടുത്തപ്പോൾ അറിഞ്ഞത്!
ബെംഗളൂരു: ഭാര്യയുടെ മുന്നിലിട്ട് ഭർത്താവിനെ അതിക്രൂരമായി കുത്തി കൊലപ്പെടുത്തി. കേസ് അന്വേഷിച്ചപ്പോൾ ഒടുവിൽ അറിഞ്ഞത് ഞെട്ടിപ്പിക്കുന്ന വിവരങ്ങൾ. ഭാര്യയുടെ മുൻ കാമുകനാണ് ഭർത്താവിനെ അതിദാരുണമായി കൊലപ്പെടുത്തിയത്. കർണാടകയിലാണ് നാടിനെ ഞെട്ടിപ്പിച്ച സംഭവം നടന്നത്. ട്രാൻസ്പോർട്ട് ബസിനുള്ളിൽ വെച്ചാണ് കൊലപാതകം നടന്നത്. സംഭവത്തെ കുറിച്ച് പോലീസ് പറയുന്നത്.
ട്രാൻസ്പോർട്ട് ബസിനുള്ളിൽ വച്ച് മുൻ കാമുകിയുടെ ഭർത്താവിനെ കുത്തികൊലപ്പെടുത്തി യുവാവ്. കർണാടകയിലെ സിർസിയിൽ ശനിയാഴ്ചയാണ് സംഭവം. ശിവമൊഗ്ഗ ജില്ലയിലെ സാഗര സ്വദേശിയായ ഗംഗാധർ എന്നയാളാണ് കൊല്ലപ്പെട്ടത്. പ്രീതം ഡിസൂസ എന്നയാളാണ് ഇയാളെ കർണാടകയിലെ ട്രാൻസ്പോർട്ട് ബസ് സ്റ്റാൻഡിനുള്ളിൽ വച്ച് കുത്തിക്കൊന്നത്. ഉത്തര കർണാടകയിലെ സിർസിയിൽ വച്ച് നിരവധിയാളുകൾ നോക്കി നിൽക്കുമ്പോഴായിരുന്നു കൊലപാതകം.
ബെംഗളൂരുവിലേക്കുള്ള ബസിൽ ഗംഗാധർ കയറാൻ ഒരുങ്ങുമ്പോഴാണ് പ്രീതം ഇയാളെ ആക്രമിച്ചത്. ഗംഗാധറിന്റെ ഭാര്യ പൂജ നോക്കി നിൽക്കെയായിരുന്നു കത്തിയാക്രമണം. പൂജ നേരത്തെ പത്ത് വർഷത്തോളം പ്രീതവുമായി പ്രണയത്തിലായിരുന്നതായാണ് റിപ്പോർട്ടുകൾ ലഭിക്കുന്നത്. നാല് മാസം മുൻപാണ് പൂജ ഗംഗാധറിനെ വിവാഹം ചെയ്ത് ബെംഗളൂരുവിലേക്ക് താമസം മാറിയത്. പൂജയും ഗംഗാധറും ബെംഗളൂരുവിൽ ജോലിയും നേടിയിരുന്നു. വാരാന്ത്യത്തിൽ വീട്ടിലെത്തി ഒരു ചടങ്ങി പങ്കെടുത്ത് മടങ്ങുമ്പോഴാണ് പ്രീതം ഗംഗാധറിനെ ആക്രമിച്ചത്.
ദമ്പതികളുടെ അടുത്ത് എത്തിയ പ്രീതം ഗംഗാധറിനോട് തർക്കിക്കാൻ തുടങ്ങി. തർക്കം വാക്കേറ്റത്തിലേക്ക് എത്തിയതോടെ പ്രീതം കയ്യിലുണ്ടായിരുന്ന കത്തിയെടുത്ത് ഗംഗാധറിനെ ആക്രമിക്കുകയായിരുന്നു. ഗംഗാധറിന്റെ നെഞ്ചിൽ നിരവധി തവണ കുത്തിയ ശേഷം പ്രീതം സംഭവ സ്ഥലത്ത് നിന്ന് ഓടി രക്ഷപ്പെടുകയായിരുന്നു. വിവരമറിഞ്ഞ സ്ഥലത്തെത്തിയ പോലീസ് പൂജയെ കസ്റ്റഡിയിൽ എടുത്ത് ചോദ്യം ചെയ്തതോടെയാണ് അക്രമിയെ തിരിച്ചറിഞ്ഞത്. ഇതിനിടെ പ്രീതം പോലീസ് സ്റ്റേഷനിലെത്തി ഒടുവിൽ കീഴടങ്ങുകയായിരുന്നു.