പണത്തിന്റെ പേരിൽ തമ്മിൽ തർക്കം; ലോറി ഡ്രൈവർ കുത്തേറ്റു മരിച്ച നിലയിൽ; മൃതദേഹം വർക്ക് ഷോപ്പിനുള്ളിൽ; ഉറ്റ കൂട്ടുകാരൻ കസ്റ്റഡിയിൽ; പോലീസ് അന്വേഷണം ആരംഭിച്ചു; സംഭവം തമിഴ്നാട്ടിലെ കമ്പത്ത്
ചെന്നൈ: ലോറി ഡ്രൈവറെ കുത്തേറ്റു മരിച്ച നിലയിൽ കണ്ടെത്തിയതായി വിവരങ്ങൾ. തമിഴ്നാട്ടിലെ കമ്പത്താണ് ദാരുണ സംഭവം നടന്നത്. കമ്പം സ്വദേശി മുത്തുകുമാർ ആണ് കൊല്ലപ്പെട്ടത്. സംഭവത്തിൽ കൂട്ടുകാരനെ പോലീസ് കസ്റ്റഡിയിലെടുത്തിട്ടുണ്ട്. ലോറി ഡ്രൈവറുമായി മുത്തുകുമാറിനെയാണ് കുത്തേറ്റു മരിച്ച നിലയിൽ കണ്ടെത്തിയത്.
കമ്പം പട്ടണത്തിനു പുറത്തുള്ള വർക്ക് ഷോപ്പിലാണ് മൃതദേഹം കണ്ടെത്തിയത്. രക്തം വാർന്നു കിടക്കുന്ന നിലയിലാണ് മുത്തുകുമാറിനെ കണ്ടെത്തിയത്.സമീപത്ത് താമസിക്കുന്ന നാട്ടുകാരാണ് സംഭവം ആദ്യം കണ്ടത്.
വിവരമറിഞ്ഞ ഉത്തമപാളയം പോലീസ് സ്ഥലത്തെത്തി. മൃതദേഹം പോസ്റ്റുമോർട്ടത്തിനായി തേനി മെഡിക്കൽ കോളജിലേക്ക് മാറ്റി. പോലീസ് നായയും ഫൊറൻസിക് വിദഗ്ദ്ധരും സംഭവ സ്ഥലത്തെത്തി തെളിവുകൾ ശേഖരിച്ചു. സംഭവം സംബന്ധിച്ച് ഉത്തപാളയം പോലീസ് അന്വേഷണം തുടങ്ങിയിട്ടുണ്ട്.
കമ്പത്തുള്ള കമ്പംമെട്ട് കോളനിയിൽ താമസിക്കുന്ന സദ്ദാം ഹുസൈനും മുത്തു കുമാറും ഉറ്റ തോഴന്മാരെന്ന് കണ്ടെത്തി. ബിസിനസ് ആവശ്യങ്ങൾക്കായി 30 ലക്ഷം രൂപ സദ്ദാം ഹുസൈൻ വാങ്ങിയിരുന്നു. ഏറെ നാൾ കഴിഞ്ഞിട്ടും തിരികെ നൽകയില്ല. പണം തിരികെ ആവശ്യപ്പെട്ടതുമായി ബന്ധപ്പെട്ട് ഇരുവരും തമ്മിൽ തർക്കം നേരെത്തെ ഉണ്ടായിരുന്നു. സദ്ദാം ഹുസൈനെ ഉത്തമപാളയം പോലീസ് കസ്റ്റഡിയിലെടുത്തു ചോദ്യം ചെയ്തു വരുകയാണ്. സംഭവത്തിൽ കൂടുതൽ അന്വേഷണം നടക്കുന്നതായും വിവരങ്ങൾ ഉണ്ട്.