ഇനിയെന്ത് വന്നാലും ശരി..അവന്റെ എല്ലാമെല്ലാമായ രേഖയെ ആർക്കും വിട്ടുകൊടുക്കില്ലെന്ന് മനസ്സിൽ ഉറപ്പിച്ചു; ജാതിയുടെ പേരിൽ വീട്ടുകാർ കളിയാക്കിയപ്പോഴും തളർന്നില്ല; പക്ഷെ യുവാവിന്റെ മനസ്സ് ഇടയ്ക്ക് പതറിയത് അവളുടെ ഒരൊറ്റ വാക്കിൽ; പ്രണയദിനത്തിൽ ആ കമിതാക്കൾ രണ്ടുംകല്പിച്ച് ജീവിതം തീർത്തത് എന്തിന്?; ഞെട്ടിപ്പിക്കുന്ന വിവരങ്ങൾ പുറത്ത്

നോയിഡ: വാലന്റൈൻസ് ദിനത്തിൽ ഉത്തർപ്രദേശിലെ നോയിഡയിൽ ഒരു കാറിനുള്ളിൽ വെടിയേറ്റ നിലയിൽ യുവതിയെയും യുവാവിനെയും മരിച്ച നിലയിൽ കണ്ടെത്തിയത് വലിയ വാർത്തയായിരുന്നു. നോയിഡ സെക്ടർ 58 സ്വദേശിനി രേഖ (26), ഡൽഹി ത്രിലോക്പുരി സ്വദേശി സുമിത് (32) എന്നിവരാണ് മരിച്ചത്. പ്രാഥമിക അന്വേഷണത്തിൽ സംഭവം ആത്മഹത്യയാണെന്ന് പോലീസ് നിഗമനത്തിലെത്തിയെങ്കിലും, ഇത് ആസൂത്രിതമായ കൊലപാതകമാണെന്ന് ആരോപിച്ച് സുമിത്തിന്റെ കുടുംബം രംഗത്തെത്തി.

നോയിഡ സെക്ടർ 39 പോലീസ് സ്റ്റേഷൻ പരിധിയിൽ നിന്നാണ് ഇവരുടെ മൃതദേഹങ്ങൾ കണ്ടെത്തിയത്. വെടിയൊച്ച കേട്ട് നാട്ടുകാർ വിവരമറിയിച്ചതിനെത്തുടർന്ന് സ്ഥലത്തെത്തിയ പോലീസിന്, ഉള്ളിൽ നിന്ന് പൂട്ടിയ നിലയിലുള്ള കാറിനുള്ളിൽ മരിച്ച നിലയിലുള്ള രേഖയെയും സുമിത്തിനെയും കണ്ടെത്തുകയായിരുന്നു. സുമിത്തിന്റെ കയ്യിൽ നിന്ന് ഒരു പിസ്റ്റളും കാറിൽ നിന്ന് തിരകളും കണ്ടെടുത്തിട്ടുണ്ട്.

മരണത്തിന് മുൻപ് സുമിത് തന്റെ വാട്സാപ്പിൽ അയച്ച സന്ദേശത്തിൽ രേഖ തന്നെ വഞ്ചിച്ചതായി ആരോപിക്കുന്നുണ്ട്. 15 വർഷത്തെ പ്രണയത്തിനൊടുവിൽ രേഖ മറ്റൊരാളെ വിവാഹം കഴിക്കാൻ തീരുമാനിച്ചതാണ് ആത്മഹത്യയിലേക്ക് നയിച്ചതെന്നും സന്ദേശത്തിൽ പറയുന്നു. തലേദിവസം മുതൽ ഇവരെ കാണാനില്ലെന്ന് ബന്ധുക്കൾ പോലീസിൽ പരാതി നൽകിയിരുന്നു. ഇരുവരുടെയും 15 വർഷത്തെ പ്രണയബന്ധം ഇരു കുടുംബങ്ങൾക്കും അറിയാമായിരുന്നു.

പോലീസിന്റെ ആത്മഹത്യാ നിഗമനത്തെ തള്ളിക്കളഞ്ഞ സുമിത്തിന്റെ കുടുംബം, ജാതിയുടെ പേരിൽ പെൺകുട്ടിയുടെ കുടുംബം ഇവരെ പരിഹസിക്കുകയും ഭീഷണിപ്പെടുത്തുകയും ചെയ്തിരുന്നതായി ആരോപിച്ചു. അന്താരാഷ്ട്ര നമ്പറുകളിൽ നിന്ന് തങ്ങൾക്ക് ഭീഷണി കോളുകൾ വന്നിരുന്നതായും ബന്ധുക്കൾ വെളിപ്പെടുത്തി. രേഖയുടെ ഗ്രാമത്തിന് തൊട്ടടുത്ത് വെച്ചാണ് മൃതദേഹങ്ങൾ കണ്ടെത്തിയത് എന്നതും ദുരൂഹത വർദ്ധിപ്പിക്കുന്നതായും അവർ വാദിക്കുന്നു.

സംഭവത്തിൽ ഫോറൻസിക് പരിശോധന പൂർത്തിയാക്കിയ പോലീസ്, പോസ്റ്റ്‌മോർട്ടം റിപ്പോർട്ടിനായി കാത്തിരിക്കുകയാണ്. കൊലപാതക ആരോപണങ്ങൾ ഉൾപ്പെടെ എല്ലാ വശങ്ങളും വിശദമായി അന്വേഷിക്കുമെന്ന് പോലീസ് അറിയിച്ചു. ഈ ദുരൂഹ സാഹചര്യങ്ങളിലെ മരണത്തിന്റെ യഥാർത്ഥ കാരണം പോസ്റ്റ്‌മോർട്ടം റിപ്പോർട്ടും തുടർ അന്വേഷണങ്ങളും വെളിപ്പെടുത്തുമെന്നാണ് പ്രതീക്ഷിക്കുന്നത്.