പ്രായപൂർത്തിയാകാത്ത പെൺകുട്ടിയുടെ വീട്ടിൽ അയൽവാസികൾ മദ്യപാനത്തിനെത്തി; എത്തിയത് ബന്ധു വിളിച്ചിട്ട്; ലഹരിയുടെ പുറത്ത് യുവാക്കളുടെ പരാക്രമം; പെൺകുട്ടിയെ കടന്നുപിടിക്കാൻ ശ്രമം;ഭയന്ന് നിലവിളിച്ചോടി; 12-കാരിയുടെ പെരുമാറ്റത്തിൽ സംശയം തോന്നിയ രക്ഷിതാക്കൾ അറിഞ്ഞത്; കൈയ്യോടെ പൊക്കി പോലീസ്; പ്രതികൾ അഴിക്കുള്ളിൽ!

തിരുവനന്തപുരം: ബന്ധുവിന്റെ ക്ഷണം സ്വീകരിച്ച് അയൽവാസികൾ വീട്ടിൽ മദ്യപിക്കാൻ എത്തിയപ്പോൾ നടന്നത് കൊടും ക്രൂരത. പിന്നാലെ മദ്യപിച്ച് ബോധമില്ലാതെ വീട്ടിൽ ഉണ്ടായിരുന്ന പെൺകുട്ടിക്ക് നേരെ ലൈംഗികാതിക്രമം നടത്തി പ്രതികൾ. തിരുവനന്തപുരത്താണ് ഞെട്ടിപ്പിക്കുന്ന സംഭവം നടന്നത്. ഇപ്പോൾ വീട്ടുകാരുടെ പരാതിയിൽ പ്രതികളെ പോലീസ് അറസ്റ്റ് ചെയ്തിരിക്കുകയാണ്.

തിരുവനന്തപുരത്ത് പ്രായപൂർത്തിയാകാത്ത പെൺകുട്ടിക്ക് നേരെ ലൈംഗിക അതിക്രമം നടത്തിയ രണ്ടുപേരെ പോലീസ് കൈയ്യോടെ പിടികൂടി. പള്ളിക്കലിന് സമീപമാണ് സംഭവം നടന്നത്. പ്രായപൂർത്തിയാകാത്ത പെൺകുട്ടിക്ക് നേരെ ലൈംഗികാതിക്രമം നടത്തിയ കേസിൽ, കുട്ടിയുടെ ബന്ധുവിന്‍റെ സുഹൃത്തുക്കളായ രണ്ടുപേരെയാണ് പള്ളിക്കൽ പോലീസ് അറസ്റ്റ് ചെയ്തത്. മടവൂർ വേമൂട് ചരുവിള പുത്തൻവീട്ടിൽ രാജീവ്(39), മടവൂർ പുലിയൂർകോണം ചരുവിള വീട്ടിൽ രതീഷ് എന്നിവരാണ് കുടുങ്ങിയത്.

ഇക്കഴിഞ്ഞ 17നായിരുന്നു നാടിനെ ഞെട്ടിപ്പിച്ച സംഭവം നടന്നത്. കുട്ടിയുടെ ബന്ധുവിനൊപ്പം മദ്യപാനത്തിനെത്തിയതായിരുന്നു സമീപവാസികൾ ആയ പ്രതികൾ. ഒന്നിച്ച് മദ്യപിച്ച ശേഷം ആരും കാണാതെ കുട്ടിക്ക് നേരെ ലൈംഗികാതിക്രമം നടത്തുകയായിരുന്നു ഇവരെന്ന് പൊലീസ് പറയുന്നു. പെൺകുട്ടിയുടെ പെരുമാറ്റത്തിൽ അസ്വഭ്വാവികത തോന്നിയ രക്ഷിതാക്കൾ വിവരം അന്വേഷിച്ചപ്പോഴാണ് സംഭവം പുറത്തറിയുന്നത്.

തുടർന്ന് വീട്ടുകാർ പൊലീസിൽ പരാതി നൽകുകയായിരുന്നു. കേസെടുത്ത് പൊലീസ് നടത്തിയ അന്വേഷണത്തിനൊടുവിലാണ് രാജീവും രതീഷും പിടിയിലാകുന്നത്. ചോദ്യം ചെയ്യലിന് ശേഷം ഇരുവർക്കുമെതിരെ പോക്സോ അടക്കമുള്ള വകുപ്പുകൾ ചുമത്തി പോലീസ് എഫ്ഐആർ രജിസ്റ്റർ ചെയ്തു. പിന്നീട് കോടതിയിൽ ഹാജരാക്കിയ ശേഷം ഇരുവരെയും റിമാൻഡ് ചെയ്തു.