കെഎസ്ആർടിസി ബസ് സ്വകാര്യ ബസിലേക്ക് ഇടിച്ചുകയറി; നിരവധി പേർക്ക് മുഖത്ത് പരിക്ക്; ആശുപത്രിയിലേക്ക് മാറ്റി; അപകട കാരണം വ്യക്തമല്ല; സംഭവം തമ്പാനൂരിൽ

തിരുവനന്തപുരം: ബസുകൾ തമ്മിൽ കൂട്ടിയിടിച്ചുണ്ടായ അപകടത്തിൽ 21 പേർക്ക് പരിക്ക് പറ്റി. തമ്പാനൂരിലാണ് അപകടം നടന്നത്. നിയന്ത്രണം വിട്ട കെഎസ്ആർടിസി ബസ് ഫ്ലൈ ഓവറിൽ വച്ച് സ്വകാര്യ ബസിൽ വന്ന് കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ ബസുകളിൽ ഉണ്ടായിരുന്നവർക്ക് മുഖത്താണ് പരുക്കേറ്റത്.

ആരുടെയും നില ഗുരുതരമല്ലെന്നാണ് വിവരങ്ങൾ. ഇവരെ ആശുപത്രികളിൽ പ്രവേശിപ്പിച്ചു. അപകടത്തിൻ്റെ കാരണം വ്യക്തമായിട്ടില്ല. അപകടത്തെ തുട‍ർന്ന് പ്രദേശത്ത് ഗതാഗത കുരുക്ക് അനുഭവപ്പെടുകയും ചെയ്തു. സ്ഥലത്ത് പോലീസെത്തി മേൽനടപടികൾ സ്വീകരിച്ചു.