തെരുവ് നായ കുറുകെ ചാടി ബൈക്ക് മറിഞ്ഞ് പരുക്കേറ്റ യുവാവ് മരിച്ചു
ബൈക്ക് മറിഞ്ഞ് പരുക്കേറ്റ യുവാവ് മരിച്ചു
Update: 2025-10-08 12:35 GMT
കണ്ണൂര്‍: മയ്യില്‍ -പുല്ലൂപ്പിക്കടവ് റോഡില്‍ നിന്നും തെരുവ് നായ കുറുകെ ചാടി നിയന്ത്രണം വിട്ട ബൈക്ക് മറിഞ്ഞുണ്ടായ അപകടത്തില്‍ അതീവ ഗുരുതരമായി പരുക്കേറ്റ് ചികിത്സയിലായിരുന്ന യുവാവ് മരണമടഞ്ഞു. ചേലേരി വൈദ്യര്‍കണ്ടിയിലെ രയരോത്ത് അനീഷാണ് (40) മരണമടഞ്ഞത്.
കഴിഞ്ഞ മേയ് മാസത്തില്‍ നടന്ന വാഹനാപകടത്തില്‍ ചികിത്സയിലിരിക്കെ ഇന്ന് രാവിലെ ഇദ്ദേഹം മരണമടയുകയായിരുന്നു. ബൈക്കില്‍ യാത്ര ചെയ്യുന്നതിനിടെ പുല്ലൂപ്പിക്കടവില്‍ വെച്ച് നായ കുറുകെ ചാടിയായിരുന്നു അപകടം. അതീവ ഗുരുതരമായി പരുക്കേറ്റ അനീഷ് കഴിഞ്ഞ അഞ്ചുമാസം ചികിത്സയിലായിരുന്നു. പരമേശ്വരന്‍ - ചന്ദ്രിക ദമ്പതികളുടെ മകനാണ്.
ഭാര്യ : അനിഷ
മകന്‍ : അഷിന്‍
സഹോദരങ്ങള്‍ : സന്തോഷ്, രജിത '