നിയന്ത്രണം വിട്ട് എത്തിയ പിക്ക് അപ്പ് വാനിടിച്ച് അപകടം; പാലക്കാട് കാൽനട യാത്രക്കാരന് ദാരുണാന്ത്യം; മരിച്ചത് പൂതനൂർ സ്വദേശി കണ്ണദാസ്

പാലക്കാട്: നിയന്ത്രണം വിട്ട് എത്തിയ പിക്കപ്പ് വാൻ ഇടിച്ച് കാൽനട യാത്രക്കാരൻ മരിച്ചു. പാലക്കാട് മുണ്ടൂർ എഴക്കാടിന് സമീപമാണ് അപകടം സംഭവിച്ചത്. പൂതനൂർ സ്വദേശി കണ്ണദാസ് (49) ആണ് മരിച്ചത്.

കുന്നപ്പുള്ളിക്കാവ് ബസ് സ്റ്റോപ്പിന് സമീപം വൈകിട്ടായിരുന്നു അപകടം. പരുക്കേറ്റ കണ്ണദാസിനെ കോങ്ങാട് സർക്കാർ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. സംഭവ സ്ഥലത്ത് പോലീസെത്തി മേൽനടപടികൾ സ്വീകരിച്ചു.