പണം വച്ച് ചീട്ടുകളി; എട്ടംഗ സംഘത്തെ പോലീസ് പിടികൂടി; 82,670 രൂപ വരെ കണ്ടെടുത്തു; സംഭവം വാടാനപ്പള്ളിയില്‍
തൃശൂർ: വാടാനപ്പള്ളിയിൽ പണംവെച്ച് ചീട്ടുകളിച്ചുകൊണ്ടിരുന്ന എട്ടംഗ സംഘത്തെ പോലീസ് പിടികൂടി. ഇവരിൽനിന്ന് 82,670 രൂപയും പിടിച്ചെടുത്തു. കഴിഞ്ഞ ദിവസം വൈകീട്ട് ഏഴുമണിയോടെയാണ് സംഭവം.
ഏഴാംകല്ല് ചാളിപ്പാട്ട് സുനേഷ് (54), കണ്ടശാംകടവ് മാമ്പുള്ളി വീട്ടിൽ ബിജിത്ത് (44), തൃത്തല്ലൂർ വലിയാക്കൽ രാധാകൃഷ്ണൻ (56), തൃത്തല്ലൂർ മോങ്ങാടി സന്തോഷ് (57), എങ്ങണ്ടിയൂർ നന്തിലത്ത് പറമ്പിൽ വേണു (50), തൃത്തല്ലൂർ നാലകത്ത് പടുവിങ്ങൽ ബഷീർ (60), ഏഴാംകല്ല് ചാളിപ്പാട്ട് ബിജോയ് (51), തൃത്തല്ലൂർ വലിയകത്ത് അഷറഫ് (57) എന്നിവരാണ് അറസ്റ്റിലായത്. ചാളിപ്പാട്ട് സുനേഷിന്റെ വീട്ടിൽവെച്ചാണ് സംഘം ചീട്ടുകളി നടത്തിയിരുന്നത്.
വാടാനപ്പള്ളി പോലീസ് ഇൻസ്‌പെക്ടർ എൻ.ബി. ഷൈജു, സബ് ഇൻസ്‌പെക്ടർമാരായ സനദ് എൻ. പ്രദീപ്, റഫീഖ് എന്നിവരുടെ നേതൃത്വത്തിലുള്ള സംഘമാണ് ഇവരെ പിടികൂടിയത്. അന്വേഷണ സംഘത്തിൽ സീനിയർ സിവിൽ പോലീസ് ഓഫീസർ മഹേഷ്, സിവിൽ പോലീസ് ഓഫീസർമാരായ വിനീത്, റിഷാദ്, ദീപക് എന്നിവരും ഉൾപ്പെട്ടിരുന്നു. പണംവെച്ചുള്ള ചീട്ടുകളി നിയമവിരുദ്ധമാണെന്ന് പോലീസ് വ്യക്തമാക്കി.