ചെരുപ്പ് വാങ്ങാൻ ഇറങ്ങിയ കുട്ടിയെ നോക്കിവെച്ചു; പിന്നാലെ ബൈക്കിൽ കയറ്റി ആളൊഴിഞ്ഞ പറമ്പിൽ കൊണ്ടുപോയി പീഡനം; കൊല്ലത്ത് 44- കാരൻ പിടിയിൽ

കൊല്ലം: പത്ത് വയസ്സുകാരനെ പീഡനത്തിന് ഇരയാക്കിയ നാൽപ്പത്തിനാലുകാരൻ അറസ്റ്റിൽ. കൊല്ലം കടയ്ക്കലിലാണ് സംഭവം നടന്നത്. ചന്തു എന്ന് വിളിക്കുന്ന സന്തോഷ് കുമാറാണ് അറസ്റ്റിലായത്. ചെരുപ്പ് വാങ്ങാൻ പോയ കുട്ടിയെയും ബന്ധുവിനെയും പ്രതി ബൈക്കിൽ കയറ്റി കടയിൽ എത്തിച്ചു. സാധനം വാങ്ങിയ ശേഷം മടങ്ങുമ്പോൾ കുട്ടിയുടെ ബന്ധു വഴിയിൽ ഇറങ്ങി.

തുടർന്ന് കുട്ടിയെ ബൈക്കിൽ ആളൊഴിഞ്ഞ പ്രദേശത്ത് എത്തിച്ച് പീഡിപ്പിക്കുകയായിരുന്നു. വീട്ടിൽ എത്തിയ കുട്ടി രക്ഷിതാക്കളോട് വിവരം പറഞ്ഞു. രക്ഷിതാക്കൾ നൽകിയ പരാതിയിൽ പോക്സോ വകുപ്പ് പ്രകാരം കേസെടുത്ത കടയ്ക്കൽ പോലീസ് പ്രതിയെ അറസ്റ്റ് ചെയ്യുകയായിരുന്നു.