റെയിൽവേ സ്റ്റേഷനിൽ നിന്ന് ബൈക്ക് മോഷണം പോയ കേസ്; പിടിയിലായത് നിരവധി വാഹന മോഷണ കേസുകളിലെ പ്രതി

ആലപ്പുഴ: ബൈക്ക് മോഷ്ടിച്ച കേസിൽ പിടിയിലായത് നിരവധി വാഹന മോഷണങ്ങളിലെ പ്രതി. മലപ്പുറം സ്വദേശിയാണ് ആലപ്പുഴയിൽ പിടിയിലായത്. സെപ്റ്റംബർ 24ന് മാരാരിക്കുളം റെയിൽവേ സ്റ്റേഷനിൽ നിന്ന് ബൈക്ക് മോഷണം പോയ പരാതിയിൽ കസ് രജിസ്റ്റർ ചെയ്തിരുന്നു. തുടർന്ന് നടത്തിയ അന്വേഷണത്തിലാണ് യുവാവ് പോലീസ് പിടിയിലായത്.

മാരാരിക്കുളത്തെ കേസ് കൂടാതെ ഗുരുവായർ, ഷൊർണ്ണൂർ, പാലക്കാട് ടൗൺ, തിരൂർ, നല്ലളം, തിരുരാങ്ങാടി എന്നീ പോലീസ് സ്റ്റേഷനുകളിൽ നിരവധി മോഷണ കേസ്സുകളിലെ പ്രതിയാണ് സുദർശൻ. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

മാരാരിക്കുളം പോലീസ് ഇൻസ്പെക്ടർ എ. വി ബിജുവിന്റെ നേതൃത്വത്തിൽ, സീനിയർ സിവിൽ പൊലീസ് ഓഫീസർമാരയ ജഗദീഷ്, രതീഷ്, സുരേഷ് എന്നിവർ ഉൾപ്പെട്ട അന്വേഷണ സംഘമാണ് പ്രതിയെ മലപ്പുറത്ത് നിന്ന് അറസ്റ്റ് ചെയ്തത്.