ഗു​ണ്ടാ ലി​സ്റ്റി​ൽ പെട്ടയാളുടെ അ​ച്ഛ​നിൽ നിന്നും കൈ​ക്കൂ​ലി വാ​ങ്ങി; പൊ​ലീ​സു​കാ​രന് സ​സ്പെ​ൻഷൻ; നടപടി മൂ​ന്ന് ക്രി​മി​ന​ൽ കേ​സു​ക​ളി​ൽ കൂടി പ്ര​തിയായ ഉദ്യോഗസ്ഥനെതിരെ

തി​രു​വ​ന​ന്ത​പു​രം: ഗു​ണ്ടാ ലി​സ്റ്റി​ൽ ഉ​ൾ​പ്പെ​ട്ട​യാ​ളു​ടെ അ​ച്ഛ​നിൽ നിന്നും കൈ​ക്കൂ​ലി വാ​ങ്ങി​യ പൊ​ലീ​സു​കാ​രന് കിട്ടിയത് എട്ടിന്റെ പണി. ​​തിരു​വ​ന​ന്ത​പു​രം മ്യൂ​സി​യം പൊ​ലീ​സ് സ്റ്റേ​ഷ​നി​ലെ ഷ​ബീ​റി​നെ​തിരെയാണ് നടപടി. ഇയാളെ സ​ർ​വി​സി​ൽ നി​ന്ന് സ​സ്പെ​ൻ​ഡ്​​ ചെ​യ്തു. മു​മ്പ്​ തു​മ്പ സ്റ്റേ​ഷ​നി​ലാ​യി​രു​ന്നു ഷബീർ.

തുമ്പ സ്റ്റേഷനിലായിരിക്കെ ഗു​ണ്ടാ ലി​സ്റ്റി​ൽ ഉ​ൾ​പ്പെ​ട്ട​യാ​ളു​ടെ അച്ഛനിൽ നിന്നും ഇയാൾ കൈക്കൂലി കൈപ്പറ്റുകയായിരുന്നു. 2000 രൂ​പ ഗൂ​ഗി​ൾ പേ ​വ​ഴി ഷബീർ വാങ്ങുകയായിരുന്നു. എന്നാൽ സംഭവത്തിൽ വലിയ വിമർശനം ഉയർന്നിരുന്നു. വി​ഷ​യം പ​രാ​തി​യാ​യി എ​ത്തി​യ​തി​ന് പി​ന്നാ​ലെ ഷ​ബീ​റി​നെ മ്യൂ​സി​യം സ്റ്റേ​ഷ​നി​ലേ​ക്ക് സ്ഥ​ലം മാ​റ്റി.

എ​ന്നാ​ൽ ഷ​ബീ​ർ ത​ന്‍റെ ക്രി​മി​ന​ൽ ബ​ന്ധം തു​ട​ർ​ന്നു. ഇക്കാര്യം സ്പെ​ഷ​ൽ ബ്രാ​ഞ്ച് ക​ണ്ടെ​ത്തിയതോടെയാണ് ഷബീറിനെതിരെ നടപടിയുണ്ടായത്. സ്പെ​ഷ​ൽ ബ്രാ​ഞ്ച് കണ്ടെത്തിയ വിവരങ്ങൾ മേ​ലു​ദ്യോ​ഗ​സ്ഥ​ർ​ക്ക് റി​പ്പോ​ർ​ട്ട് ചെ​യ്തു. മൂ​ന്ന് ക്രി​മി​ന​ൽ കേ​സു​ക​ളി​ൽ പ്ര​തി കൂ​ടി​യാ​ണ് ഷ​ബീ​ർ. കെ-​റെ​യി​ൽ സ​മ​ര കാ​ല​ത്ത് മം​ഗ​ല​പു​ര​ത്ത് സ​മ​ര​ക്കാ​രെ ച​വി​ട്ടി വീ​ഴ്ത്തി​യ​തി​നും കേ​സു​ണ്ട്. അ​ന്നും ഇ​യാ​ളെ സ​സ്പെ​ൻ​ഡ് ചെ​യ്തി​രു​ന്നു.