വിഴിഞ്ഞത്ത് എതിർ ദിശകളിൽ വന്ന കെ-സ്വിഫ്റ്റും കെഎസ്ആർടിസിയും തമ്മിൽ കൂട്ടിയിടിച്ച് വൻ അപകടം; ഇടി ശബ്ദത്തിൽ നാട്ടുകാർ ഓടിയെത്തി; നിരവധിപേർക്ക് പരിക്ക്; ആശുപത്രിയിലേക്ക് മാറ്റി

തിരുവനന്തപുരം: വിഴിഞ്ഞത് ബസുകൾ തമ്മിൽ കൂട്ടിയിടിച്ച് വൻ അപകടം. കെ-സ്വിഫ്റ്റും കെഎസ്ആ‌‍ർടി യും തമ്മിൽ കൂട്ടിയിടിച്ചാണ് അപകടം ഉണ്ടായത്. വിഴിഞ്ഞം പുതിയ പാലത്തിനടുത്ത് ഇന്ത്യൻ ഓയിൽ പെട്രോൾ പമ്പിന് സമീപത്ത് വെച്ചാണ് അപകടം നടന്നത്. എതിർ ദിശകളിൽ വന്ന കെഎസ്ആ‌ർടിസിയുടെ രണ്ട് ബസുകളാണ് തമ്മിൽ കൂട്ടിയിടിച്ചത്.

യാത്രക്കാരും ബസ് ജീവനക്കാരുമടക്കം നിരവധി പേർക്ക് പരിക്ക് പറ്റിയതായി വിവരങ്ങൾ ലഭിക്കുന്നു. ഇവരെ ആശുപത്രിയിലേക്ക് മാറ്റിയിട്ടുണ്ട്. ആരുടെയും പരുക്ക് ഗുരുതരമല്ലെന്നാണ് ലഭിക്കുന്ന വിവരങ്ങൾ.