ചെറായിയെ ഒന്നടങ്കം വിറപ്പിച്ച് 'ഇന്നോവ ക്രിസ്റ്റ'യുടെ വിളയാട്ടം; അതിവേഗത്തിൽ തലങ്ങും വിലങ്ങും ഓടിച്ച് സ്ത്രീയെ അടക്കം ഇടിച്ച് തെറിപ്പിച്ചു; തടയാൻ കഴിയാതെ നാട്ടുകാരും; ഡ്രൈവറെ കണ്ട് പോലീസിന് ഞെട്ടൽ

കൊച്ചി: കൊച്ചിയിൽ ഇന്നോവ ക്രിസ്റ്റ കാറിൽ അമിതവേഗത്തിൽ ചീറിപ്പാഞ്ഞെത്തി പതിനാറുകാരൻ വഴിയാത്രക്കാരിയെയും നിരവധി വാഹനങ്ങളെയും ഇടിച്ചുതകർത്തു. എറണാകുളം ചെറായിയിൽ നിന്നാരംഭിച്ച ഈ അപകടകരമായ യാത്ര എടവനക്കാട് വരെ നീണ്ടു. നാട്ടുകാർ വാഹനം തടയാൻ ശ്രമിച്ചെങ്കിലും നിർത്താതെ മുന്നോട്ടേക്ക് ഓടിച്ചുപോകുകയായിരുന്നു.

സംഭവത്തിൽ ചെറായിയിൽ വെച്ച് ഒരു വൃദ്ധയ്ക്കും കാർ ഇടിച്ചു പരിക്കേറ്റിട്ടുണ്ട്. അപകടമുണ്ടാക്കിയ വാഹനം പിന്നീട് ഞാറക്കൽ പോലീസ് കസ്റ്റഡിയിലെടുത്തു. സംഭവത്തെക്കുറിച്ച് പോലീസ് അന്വേഷണം ആരംഭിച്ചിട്ടുണ്ട്.

ഇത്തരം സംഭവങ്ങളിൽ കർശന നടപടി സ്വീകരിക്കുമെന്ന് പോലീസ് അറിയിച്ചു. പതിനാറുകാരനായ ഡ്രൈവറുടെ അനാവശ്യമായ പരാക്രമം പ്രദേശത്ത് വലിയ ആശങ്കയാണ് ഉയർത്തിയിരിക്കുന്നത്. കസ്റ്റഡിയിലെടുത്ത വാഹനം വിശദമായ പരിശോധനയ്ക്ക് വിധേയമാക്കും.