പന്നിക്കുവെച്ച വൈദ്യുതി കെണിയിൽ വീണ് ഷോക്കേറ്റെന്ന് സംശയം; പരാതി ലഭിച്ചാൽ കേസെടുക്കും; നീര്‍ച്ചാലിൽ മധ്യവയസ്കനെ മരിച്ച നിലയിൽ കണ്ടെത്തിയ സംഭവത്തിൽ ദുരൂഹത മാറുമ്പോൾ!

തൃശൂര്‍: നീർച്ചാലിൽ മധ്യവയസ്കനെ മരിച്ച നിലയിൽ കണ്ടെത്തിയ സംഭവം പന്നിക്കായി ഒരുക്കിയ കെണിയിൽ അകപ്പെട്ടതെന്ന് സംശയം. തൃശൂർ കണ്ണാറയിലാണ് സംഭവം നടന്നത്. സ്വകാര്യ വ്യക്തിയുടെ പറമ്പിനോട് ചേർന്നുള്ള നീര്‍ച്ചാലിലാണ് ഇന്നലെ രാത്രി വീണ്ടശ്ശേരി സ്വദേശി ഷാജിയെ മരിച്ച നിലയിൽ കണ്ടെത്തിയത്.

പന്നിക്കുവെച്ച വൈദ്യുതി കെണിയിൽ നിന്നും ഷോക്കേറ്റാകാം മരണം സംഭവിച്ചതെന്നാണ് പോലീസിന്‍റെ പ്രാഥമിക നിഗമനം. ഈ പരിസരത്ത് അനധികൃതമായി വൈദ്യുതി മോഷണം നടക്കുന്നുണ്ടെന്നാണ് കെ എസ് ഇ ബി യുടെ കണ്ടെത്തൽ. പരാതി ലഭിച്ചയുടൻ കേസെടുക്കുമെന്ന് പീച്ചി പോലീസ് വ്യക്തമാക്കി. നിലവിൽ അസ്വഭാവിക മരണത്തിന് മാത്രമാണ് കേസ് എടുത്തിരിക്കുന്നത്.