'വിശ്വസ്തതയുടെ പാഠപുസ്തകം, കര്‍ണ്ണന് പോലും അസൂയ തോന്നുന്ന കെ.കെ.ആർ കവചം'; കഠിനാധ്വാനത്തിന്റെ മഷിക്കൂട്; കെ.കെ. രാഗേഷിന് അഭിനന്ദനവുമായി ദിവ്യ എസ്.അയ്യര്‍

തിരുവനന്തപുരം: സിപിഎം കണ്ണൂര്‍ ജില്ലാ സെക്രട്ടറിയായി മുന്‍രാജ്യസഭാ എംപി കൂടിയായ കെ.കെ. രാഗേഷിനെ തിരഞ്ഞെടുത്തതിന് പിന്നാലെ അഭിനന്ദനവുമായി രംഗത്തെത്തിയിരിക്കുകയാണ് ദിവ്യ എസ്. അയ്യര്‍ ഐഎഎസ്. ഇൻസ്റ്റാഗ്രാം പോസ്റ്റിലൂടെയാണ് അഭിനന്ദനം അറിയിച്ചിരിക്കുന്നത്. കര്‍ണ്ണന് പോലും അസൂയ തോന്നുംവിധമുള്ളതാണ് കെകെആറിന്റെ കവചമെന്നാണ് ഇന്‍സ്റ്റഗ്രാമില്‍ ദിവ്യ എസ്. അയ്യര്‍ കുറിച്ചത്. ഇക്കഴിഞ്ഞ മൂന്ന് വര്‍ഷങ്ങള്‍ അദ്ദേഹത്തിന്റെ ഔദ്യോഗിക ജീവിതം മുന്നില്‍ നിന്നു വീക്ഷിച്ച തനിക്ക് ഒപ്പിയെടുക്കാന്‍ സാധിച്ച അനവധി ഗുണങ്ങളുണ്ടെന്നും ദിവ്യ എസ്. അയ്യര്‍ ഇന്‍സ്റ്റാഗ്രാം പോസ്റ്റില്‍ കൂട്ടിച്ചേര്‍ത്തു.

ഇന്‍സ്റ്റാഗ്രാം പോസ്റ്റിന്റെ പൂര്‍ണരൂപം:

കര്‍ണ്ണന് പോലും അസൂയ തോന്നും വിധം ഈ KKR കവചം!

ഇക്കഴിഞ്ഞ മൂന്ന് വര്‍ഷങ്ങള്‍ അദ്ദേഹത്തിന്റെ ഔദ്യോഗിക ജീവിതം മുന്നില്‍നിന്നു വീക്ഷിച്ച എനിക്കു ഒപ്പിയെടുക്കാന്‍ സാധിച്ച അനവധി ഗുണങ്ങള്‍ ഉണ്ട്.

വിശ്വസ്തതയുടെ ഒരു പാഠപുസ്തകം!

കഠിനാധ്വാനത്തിന്റെ ഒരു മഷിക്കൂടു!

Thank you, for always considering us with utmost respect--an art that is getting endangered in power corridors across the globe