വീട്ടിൽ ആരുമില്ലാത്ത സമയം പെൺകുട്ടിയെ പീഡിപ്പിച്ചു; പുറത്തുപറഞ്ഞാൽ കൊല്ലുമെന്നും ഭീഷണി; കുളത്തൂപ്പുഴയില്‍ പതിനഞ്ചുകാരിയെ പീഡിപ്പിച്ച അച്ഛന്‍ അറസ്റ്റില്‍
കുളത്തൂപ്പുഴ: പതിനഞ്ചുവയസുള്ള സ്വന്തം മകളെ പീഡിപ്പിച്ച അച്ഛന്‍ അറസ്റ്റില്‍. കൊല്ലം കുളത്തൂപ്പുഴയിലാണ് സംഭവം നടന്നത്. സ്‌കൂളില്‍ നടത്തിയ കൗണ്‍സിലിങ്ങിലാണ് ഇക്കാര്യം കുട്ടി തുറന്നുപറഞ്ഞത്. വീട്ടില്‍ മറ്റാരുമില്ലാത്ത സമയത്ത് ഇയാള്‍ കുട്ടിയെ അതിക്രൂരമായി പീഡിപ്പിക്കുകയായിരുന്നു.
ജനുവരി മാസത്തിലായിരുന്നു സംഭവം നടന്നത്. വീട്ടില്‍ അച്ഛനും മകളും മാത്രമായിരുന്നു ഉണ്ടായിരുന്നത്. ഈ സമയത്ത് കുട്ടിയെ ബലപ്രയോഗത്തിലൂടെയാണ് പ്രതി പീഡിപ്പിച്ചത്. പുറത്ത് പറയരുതെന്ന് ഭീഷണിപ്പെടുത്തുകയും ചെയ്തു. ഭയന്ന കുട്ടി കാര്യം പുറത്തുപറഞ്ഞിരുന്നില്ല.
കുട്ടിക്ക് പീഡനത്തെ തുടര്‍ന്ന് ശാരീരിക അസ്വസ്ഥതകള്‍ അനുഭവപ്പെട്ടിരുന്നു. സ്‌കൂളില്‍ കഴിഞ്ഞദിവസം നടത്തിയ കൗണ്‍സിലിങ്ങില്‍ കുട്ടി വിവരം പറഞ്ഞതോടെ അധികൃതര്‍ പോലീസില്‍ വിവരം അറിയിക്കുകയായിരുന്നു. ചോദ്യം ചെയ്യലില്‍ ഇയാള്‍ കുറ്റം സമ്മതിച്ചിട്ടുണ്ട്. 42-കാരനായ ഇയാള്‍ കുട്ടിയെ പലതവണ പീഡിപ്പിച്ചിട്ടുണ്ടെന്നാണ് ലഭിക്കുന്ന വിവരങ്ങൾ.