പള്ളി തിരുനാൾ ആഘോഷത്തിനിടെ പോലീസ് ജീപ്പിന് മുകളിൽ കയറി യുവാവിൻ്റെ പരാക്രമം; ആക്രമണത്തിൽ എസ്ഐ ഉൾപ്പെടെ നാലു പേർക്ക് പരിക്ക്; നാല് പേർ പിടിയിൽ

തൃശൂർ: തൃശൂർ ആമ്പക്കാട് പള്ളി തിരുനാൾ ആഘോഷത്തിനിടെ പോലീസ് ജീപ്പിന് മുകളിൽ കയറി പരാക്രമം. യുവാവിന്റെ ആക്രമണത്തിൽ എസ്ഐ ഉൾപ്പെടെ നാലു പേർക്ക് പരിക്കേറ്റു. സംഭവത്തിൽ യുവാവും സംഘവും പോലീസിന്റെ പിടിയിൽ. പുഴയ്ക്കൽ സ്വദേശി അബിത് ആണ് ജീപ്പിന് മുകളിൽ കയറിയത്.

ജീപ്പിനു മുകളിൽ കയറിയ യുവാവ് പോലീസിനേയും ആക്രമിക്കുകയായിരുന്നു. സംഭവത്തിൽ നാലു യുവാക്കൾ അറസ്‌റ്റിലായി. ഇവരെ റിമാൻഡ് ചെയ്‌തു. അതേസമയം, യുവാക്കൾ കഞ്ചാവ് ലഹരിയിലാണെന്ന് പോലീസ് പറഞ്ഞു.