തീ​വ്ര​ത​യേ​റി​യ ലൈ​റ്റും ഡ​ബി​ൾ നെ​റ്റും ഉ​പ​യോ​ഗി​ച്ച്​ മ​ത്സ്യ​ബ​ന്ധ​നം; ഉൾക്കടലിൽ പരിശോധന ശക്തമാക്കണമെന്ന മുന്നറിയിപ്പും പാലിക്കുന്നില്ല; തിരിഞ്ഞുനോക്കാതെ ഫിഷറീസ് വകുപ്പ്

അമ്പലപ്പുഴ: നിരോധിത തീവ്രതയേറിയ ലൈറ്റുകളും ഡബിൾ നെറ്റുകളും ഉപയോഗിച്ചുള്ള മത്സ്യബന്ധനം തുടരുമ്പോഴും ഫിഷറീസ് വകുപ്പ് തിരിഞ്ഞുനോക്കുന്നില്ലെന്ന് ആക്ഷേപം. കഴിഞ്ഞ ദിവസം, നിരോധിത രീതിയിൽ പിടികൂടിയ വൻതോതിലുള്ള കണവയുമായി പരമ്പരാഗത മത്സ്യത്തൊഴിലാളികൾക്കൊപ്പം  തോ​ട്ട​പ്പ​ള്ളി ഹാ​ർ​ബ​റിൽ എ​ത്തി​യെ​ങ്കി​ലും ഉ​ദ്യോ​ഗ​സ്ഥ​ർ ന​ട​പ​ടി​യെ​ടു​ക്കാ​ൻ മ​ടി​ച്ച​ത് പ്ര​തി​ഷേ​ധ​ത്തി​ന് ഇ​ട​യാ​ക്കി. മണിക്കൂറുകളോളം കാത്തുനിന്നതിന് ശേഷം, പ്രതിഷേധം കനത്തതോടെയാണ് അധികൃതർ മത്സ്യവും വള്ളവും കസ്റ്റഡിയിലെടുത്തത്.

പി​ടി​ച്ചെ​ടു​ത്ത ക​ണ​വ ഫി​ഷ​റീ​സ് വ​കു​പ്പ് നി​ര​ക്ക്​ നി​ർ​ദ്ദേ​ശി​ച്ച്​ കി​ലോ 300 രൂ​പ​ക്കാ​ണ്​ ലേ​ലം ചെ​യ്ത​ത്. ഹാ​ർ​ബ​റി​ൽ 650 രൂ​പ കി​ലോ വി​ല​യു​ണ്ടാ​യി​രു​ന്നി​ട്ടും പ​കു​തി​യി​ൽ താ​ഴ്ന്ന വി​ല​ക്കാ​ണ്​ ലേ​ലം ന​ട​ന്ന​ത്. അനധികൃത മത്സ്യബന്ധനത്തിന് കൂട്ടുനിന്നവർ തന്നെയാണ് ലേലത്തിൽ പങ്കെടുത്തതെന്നും ആരോപണമുണ്ട്. ഇതേത്തുടർന്ന് അമ്പലപ്പുഴ പോലീസിന്റെ നിയന്ത്രണത്തിലാണ് ലേലം പൂർത്തിയായത്.

ക​മീ​ഷ​ൻ ഇ​ന​ത്തി​ൽ മാ​ത്രം ഇ​ട​നി​ല​ക്കാ​ര​ൻ ല​ക്ഷ​ങ്ങ​ൾ കൈ​ക്ക​ലാ​ക്കി​യെ​ന്നാ​ണ്​ മ​ത്സ്യ​ത്തൊ​ഴി​ലാ​ളി​ക​ൾ പ​റ​യു​ന്ന​ത്. അ​ന​ധി​കൃ​ത മ​ത്സ്യ​ബ​ന്ധ​ന​ത്തി​നെ​തി​രെ പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ളു​ടെ പ്ര​തി​ഷേ​ധം ശ​ക്ത​മാ​കു​മ്പോ​ഴും തീ​വ്ര​ത​യേ​റി​യ ലൈ​റ്റു​ക​ൾ ഉ​പ​യോ​ഗി​ച്ചു​ള്ള​തും ഡ​ബി​ൾ​നെ​റ്റ് മ​ത്സ്യ​ബ​ന്ധ​ന​വും തു​ട​രു​ക​യാ​ണ്.

കഴിഞ്ഞ ദിവസങ്ങളിലും സമാന രീതിയിൽ പിടികൂടിയ കണവ തോ​ട്ട​പ്പ​ള്ളി ഹാ​ർ​ബ​റി​ൽ എ​ത്തി​ക്കാ​തെ സ​മീ​പ​ത്തെ തീ​ര​ങ്ങ​ളി​ൽ വി​ൽ​പ​ന ന​ട​ത്തി​യ​താ​യും വി​വ​ര​മു​ണ്ട്. ഉ​ദ്യോ​ഗ​സ്ഥ​രെ വി​വ​രം അ​റി​യി​ച്ചി​ട്ടും അവർ സ്ഥലത്തെത്തുമ്പോഴേക്കും ലേലം പൂർത്തിയായി മത്സ്യം നീക്കം ചെയ്തിരുന്നു.