അതിതീവ്ര മഴ; റഡ് അലര്‍ട്ട് നിലവിലുള്ള ജില്ലകളില്‍ മുന്നറിയിപ്പായി സൈറണ്‍; അഞ്ച് മണിക്ക് സൈറണ്‍ മുഴങ്ങുമെന്ന് കാലാവസ്ഥ വകുപ്പ്
തിരുവനന്തപുരം: അതിതീവ്ര മഴയ്ക്കുള്ള റെഡ് അലര്‍ട്ട് നിലവിലുള്ള ജില്ലകളില്‍ ചൊവ്വാഴ്ച വൈകിട്ട് 5 മണിക്ക് മുന്നറിയിപ്പായി സൈറണ്‍ മുഴങ്ങുമെന്ന് കാലാവസ്ഥ വകുപ്പ് അറിയിച്ചു. കേന്ദ്ര കാലാവസ്ഥ വകുപ്പ് പ്രഖ്യാപിച്ച റെഡ് അലര്‍ട്ടിന്റെ പശ്ചാത്തലത്തില്‍ വയനാട്, കോഴിക്കോട്, കണ്ണൂര്‍, കാസര്‍കോട് ജില്ലകളിലാണ് 'കവചം' എന്ന ജാഗ്രതാ സംവിധാനത്തിന്റെ ഭാഗമായി സൈറണ്‍ മുഴക്കുന്നത്.
മറ്റുവേളകളില്‍ നടത്തുന്ന മോക് ഡ്രില്ലുകളുടെ ഭാഗമായി നടത്തുന്ന ഒന്നല്ല ഈ സൈറണ്‍. നിലവിലെ അതീവ ജാഗ്രതാ സാഹചര്യം ജനങ്ങള്‍ ഗൗരവപൂര്‍വം മനസിലാക്കണമെന്നും, പ്രാദേശികമായി അധികം ജാഗ്രത പാലിക്കണമെന്നും അധികൃതര്‍ മുന്നറിയിപ്പ് നല്‍കുന്നു. ആശ്രിത മേഖലയിലുളളവര്‍ സുരക്ഷിത ഇടങ്ങളിലേക്ക് മാറാനും, ഉരുള്‍പൊട്ടല്‍, കാറ്റ്, വെള്ളപ്പൊക്കം തുടങ്ങിയ അപകടസാധ്യതകളെതിരെ മുന്‍കരുതല്‍ സ്വീകരിക്കാനും ഈ മുന്നറിയിപ്പ് സൈറണ്‍.
സംസ്ഥാന ദുരന്ത നിവാരണ അതോറിറ്റിയും തദ്ദേശ സ്വയംഭരണ സ്ഥാപനങ്ങളും ഈ സാഹചര്യത്തില്‍ സമയബന്ധിതമായി ഇടപെടണമെന്നും എല്ലാ ഉത്തരവാദിത്ത്വ വകുപ്പുകളും തയ്യാറായി നിലകൊള്ളണമെന്നും നിര്‍ദ്ദേശം നല്‍കിയിട്ടുണ്ട്.