കൊച്ചിയില്‍ കച്ചവടക്കാരനെ മരിച്ച നിലയില്‍ കണ്ടെത്തിയത് കൊലപാതകം; ഇതര സംസ്ഥാന തൊഴിലാളികളായ രണ്ട് പേര്‍ പിടിയില്‍; മോഷണ ശ്രമത്തിനിടയിലെ കൊലപാതകമെന്ന് കണ്ടെത്തല്‍
കൊച്ചിയില്‍ കച്ചവടക്കാരനെ മരിച്ച നിലയില്‍ കണ്ടെത്തിയത് കൊലപാതകം
By : സ്വന്തം ലേഖകൻ
Update: 2024-12-15 11:15 GMT
കൊച്ചി: എറണാകുളം കാക്കനാട് വാഴക്കാലയില്‍ കച്ചവടക്കാരനെ മരിച്ച നിലയില്‍ കണ്ടെത്തിയത് കൊലപാതകമാണെന്ന് പൊലീസിന്റെ കണ്ടെത്തല്‍. സംഭവത്തില്‍ ഇതര സംസ്ഥാന തൊഴിലാളികളായ രണ്ടുപേരെ പൊലീസ് കസ്റ്റഡിയിലെടുത്തു. സിസിടിവി ദൃശ്യങ്ങളാണ് കേസില്‍ നിര്‍ണായകമായത്.
മോഷണശ്രമത്തിനിടെയാണ് കൊലപാതകമെന്നാണ് കണ്ടെത്തല്‍. നവംബര്‍ 30 നാണ് വാഴക്കാല ഓത്തുപള്ളി റോഡിലെ താമസക്കാരനായ എംഎ സലീമിനെ മരിച്ച നിലയില്‍ കണ്ടെത്തിയത്. മരണത്തില്‍ സംശയം തോന്നിയതിനെ തുടര്‍ന്ന് പൊലീസ് അസ്വാഭാവിക മരണത്തിനാണ് കേസെടുത്തിരുന്നത്.
തുടര്‍ന്ന് നടത്തിയ അന്വേഷണത്തിലാണ് കവര്‍ച്ചാ ശ്രമത്തിനിടെയാണ് കൊലപാതകം ഉണ്ടായതെന്ന് തെളിഞ്ഞത്. സലീമിന്റെ വീട്ടിലെ സിസിടിവി ദൃശ്യങ്ങളാണ് സംഭവത്തില്‍ നിര്‍ണായക തെളിവായത്.