മതിലിൽ ഒരു പൂച്ച കൂളായി ഇരിക്കുന്ന പോലെയൊരു കാഴ്ച; സിസിടിവി ദൃശ്യങ്ങൾ അടക്കം ശേഖരിക്കും; മലമ്പുഴയിൽ 'പുലി'യെ കണ്ടതിനെ തുടര്‍ന്ന് പരിഭ്രാന്തി; നാട്ടുകാർക്ക് ജാഗ്രത നിർദ്ദേശം

Update: 2025-11-30 11:29 GMT

പാലക്കാട്: മലമ്പുഴയിൽ പുലിയെ കണ്ടതിനെ തുടർന്ന് പാലക്കാട് മലമ്പുഴയിലും പരിസര പ്രദേശങ്ങളിലും ജാഗ്രതാ നിർദേശം നൽകി. മലമ്പുഴ അകത്തേത്തറ, കെട്ടേക്കാട് വനം റേഞ്ച് പരിധിയിൽ രാത്രി യാത്രചെയ്യുന്നവരാണ് അതീവ ജാഗ്രത പുലർത്തേണ്ടത്. പോലീസ്-വനം വകുപ്പ് നിർദേശപ്രകാരം അനാവശ്യ യാത്രകൾ ഒഴിവാക്കണമെന്നും മുന്നറിയിപ്പുണ്ട്.

പുലിയെ കണ്ടെത്താനായി വനം വകുപ്പ് പ്രത്യേക സ്‌ക്വാഡിനെ നിയോഗിച്ച് തിരച്ചിൽ തുടരുകയാണ്. രണ്ട് സംഘങ്ങളെയാണ് 24 മണിക്കൂറും നിരീക്ഷണത്തിനായി നിയോഗിച്ചിട്ടുള്ളത്. മലമ്പുഴ സർക്കാർ സ്‌കൂൾ പരിസരങ്ങളിലും ജയിൽ ക്വാർട്ടേഴ്‌സിനായി ഏറ്റെടുത്ത സ്ഥലത്തും സംഘം രാവിലെ പരിശോധന നടത്തിയിരുന്നു.

പുലിയെ കണ്ടെന്നറിയിച്ച വ്യക്തിയിൽ നിന്നും വനം വകുപ്പ് വിവരങ്ങൾ ശേഖരിച്ചു. പ്രദേശത്തെ സിസിടിവി ദൃശ്യങ്ങൾ പോലീസിന്റെ സഹായത്തോടെ ശേഖരിക്കാനുള്ള ശ്രമങ്ങൾ നടക്കുന്നുണ്ട്. രാത്രി പരിശോധനകൾക്ക് ശേഷം തുടർനടപടികൾ സ്വീകരിക്കുമെന്ന് റേഞ്ച് ഫോറസ്റ്റ് ഓഫീസർ അറിയിച്ചു.

Tags:    

Similar News